තම මියගිය පුතුගේ හදවතේ ස්වරය අසන අම්මා

දරුවෙකුගේ වෙන්වීම මවකට කිසිදා දරා ගැනීමට හැකි දෙයක් නොවේ. දුක හා සතුට දෙකම මිශ්‍ර වූ මෙම සිදුවීම වාර්තා වන්නෙ ඇමරිකා එක්සත් ජනපදයෙන්. 2013 වසරේදී එවකට වයස මාස 7ක් පමණක් වූ ලූකස් නම් කුඩා පිරිමි දරුවාගේ මිය යෑම සිදුවුනා.

මෙම දරුවාගේ මරණය හිතාමතා එම දරුවා රැක බලාගැනීමට පැමිණි පුද්ගලයෙකු (babysitter) විසින් සිදුකරන ලද ඝාතනයක් ලෙසයි වාර්තා වී තිබුනේ.

දරුවාගේ වෙන්වීමෙන් පසුව ඔහුගේ මව වන Heather Clark ලූකස්ගේ අවයව වලින් ප්‍රධානය කල හැකි අවයව අවශ්‍ය දරුවන් වෙත ලබා දීමට අත්සන් කරනු ලැබුවා.

මේ අනුව ලූකස් දරුවාගේ හදවත එවකට මාස 18ක් පමණක් වූ Jordan Drake නම් දැරියට බද්ධ කිරීමටයි වෛද්‍යවරුන් තීරණය කලේ.

මෙම සිදුවීමෙන් වසර 4කට පසුව එනම් 2017 වසරේදී Heather ඇරිසෝනාවේ Phoenix ළමා රෝහල වෙත පැමිණියා. ඒ වෛද්‍යවරුන්ගේ ආරාධනයෙන්. එහිදී ඇයට හමුවනව වයස අවුරුදු 4ක් වූ Jordan හා ඇගේ මවව. මෙම හමුවේදී Heather හට Lucasගේ හදවතේ ශබ්දය ඇසීමට හැකියාව ලැබුනා.

ඔබ මේ ඡායාරූපයේ දකින්නේ එම අවස්ථාවයි.

වෛද්‍යවරුන් Heather හට Jordanගෙන් ඇසෙන Lucasගේ හදවතේ ශබ්දය පටිගත කර Teddy bear කෙනෙකු තුල එය තැන්පත් කර එය ඕණම අවස්ථාවක ඇසිය හැකි ආකාරයට සකස්කර දී තිබුනා. කෙසේ නමුත් මෙම හමුව ඉතාමත් සංවේදී අවස්ථාවක් වූ අතර එයින් පසුව Heather, Jordan වෙනුවෙන් බොහෝ දේ සිදුකල බවත් ඇයව නිතර බැලීමට පැමිණි බවත් වාර්තා වනවා.

තම පුත්‍රයා මියගියද ඔහුගේ හදවතින් තවත් කුඩා දැරියකට ජීවිතය ලැබීම ඇයට විශාල සතුටක් ගෙනදුන් කාරණයක් බව ඇය මාධ්‍යයට සදහන් කර තිබෙනවා.

සටහන මනුජිත් අබේරත්න