මෙරට ධීවර කර්මාන්තයේ නියැලෙන පළපුරුදු සහිත ශ්රමිකයන්ට කොරියාවේ රැකියා අවස්ථා විවර කරදීම සඳහා කම්කරු සහ විදේශ රැකියා අමාත්ය මනූෂ නානායක්කාර සහ දකුණු කොරියාවේ සමූපකාර ධීවර සංවිධානයේ සභාපති Im Joon Teak අතර සාකච්ඡාවක් අද (04) පවත්වා තිබෙනවා.
දැනට කොරියානු ධීවර රැකියා සඳහා ලබා දෙන ඊ 9 වීසා කාණ්ඩයට අමතරව ඊ 7 සහ ඊ 10 වීසා කාණ්ඩයද යොදාගනිමින් මෙරටින් කොරියාවට යවන ශ්රමිකයන් සංඛ්යාව ඉහළ නැන්වීමට සහ ධීවර රැකියා සඳහා කොරියාවට දෙවරක් ගොස් පැමිණි අයට ද නැවත වරක් රැකියා අවස්ථා ලබාදීමට ද මෙම සාකච්ඡාවේ දී අවධානය යොමුකර තිබෙනවා.
ඒ පිළිබඳව ඉදිරි කටයුතු සොයා බැලීම සඳහා සෝල් නුවර පිහිටි ශ්රී ලංකා තානාපති කාර්යාලයට අවසර ලබා දී ඇති අතර ශ්රී ලංකාව සහ කොරියානු රජය අතර ධීවර රැකියා ලබාදීම සම්බන්ධයෙන් අවබෝධතා ගිවිසුමක් අත්සන් කිරීමට ද නියමිත බව වාර්තා වනවා.
