විස්සයි විස්ස ලෝක කුසලාන තරගාවලියේ සුපිරි 12 වටයේ තවත් තරඟයක් ශ්‍රී ලංකා කණ්ඩායම සහ ඇෆ්ගනිස්ථාන කණ්ඩායම අතර අද (01) පැවැත්වුණා.
කාසියේ වාසිය දිනා ප්‍රථමයෙන් පන්දුවට පහරදුන් ඇෆ්ගනිස්ථාන කණ්ඩායම නියමිත පන්දුවාර විස්ස තුළ කඩුලු 8 ක් දැවී ලකුණු 144 ක් ලබාගත්තා.
ශ්‍රී ලංකා කණ්ඩායම වෙනුවෙන් පන්දු යැවීමේදී වනිඳු හසරංග කඩුලු 03 ක් සහ ළහිරු කුමාර කඩුලු 02 ක් ලබාගත්තා.
ලකුණු 145 ක ජයග්‍රහී ඉලක්කයක් පසුකරයෑමට පිටියට පිවිසි ශ්‍රී ලංකා කණ්ඩායම කඩුලු 04 ක් දැවී 19 වන පන්දුවාරයේදී එම ඉලක්කය පසු කර ගියා.
පන්දුවට පහරදීමේදී ශ්‍රී ලංකා කණ්ඩායම වෙනුවෙන් අගනා ඉනිමක් ක්‍රිඩා කළ ධනංජය ද සිල්වා නොදැවී ලකුණු 66 ක් ලබාගත්තා.
ඒ අනුව විස්සයි විස්ස ලෝක කුසලානයේ ඇෆ්ගනිස්ථානය සහ ශ්‍රී ලංකාව අතර අද පැවති තරඟය කඩුලු 6 කින් ජයගැනීමට ශ්‍රී ලංකා කණ්ඩායම සමත් වුණා.
