කුරුණෑගල යක්ගහපිටිය ප්රදේශයේ IOC සමාගමට අයත් ඉන්ධන පිරවුම් හලක් තුලදි සිවිල් පුද්ගලයෙකුට නිලලත් හමුදා නිලධාරියකු විසින් පහරදෙන අවස්ථාවක් සහිත විඩියෝ පටයක් සමාජ ජාලා හරහා සංසරණය වූවා. මෙහිදි අදාල හමුදා නිලධාරියා විසින් පුද්ගලයාට පයින් පහරදෙන අවස්ථාව බොහෝ පිරිසකගේ අවධානයට ලක්ව තිබුණා.
මෙම සිද්ධිය පිලිබඳව කරුණු ඉදිරිපත් කළ යුධ හමුදා මාධ්ය ප්රකාශක ‘ බ්රිගේඩියර් නිලන්ත ප්රේමරත්න’ මහතා ප්රකාශ කර සිටියේ.. එම ඉන්ධන හලට භාහිරෙන් පැමිණි පිරිසක් කලහකාරි ලෙස හැසිරිමින් ආරක්ෂක අංශයේ රාජකාරියේ නිරත නිලධාරීන් හට පරුෂ වචනයෙන් බැණ වැදී ඇති බවත්. එහිදි එම පුද්ගලයන්ගෙන් කෙනෙකු පොලිසිය සහ හමුදා නිලධාරින් විසින් ඉවතට රැගෙන යද්දි අදාල හමුදා නිලධාරියා විසින් එම පුද්ගලයාට පහර දීමක් සිදුකර ඇති බවයි. මෙම පහරදීම කළ හමුදා නිලධාරියා සම්බන්ධයෙන් යුධ හමුදාව මගින් අභ්යන්තර විනය පරීක්ෂණයක් ආරම්භ කර ඇති බවත් කලහකාරි ලෙස හැසිරුණු සිවිල් පුද්ගලයන් දෙදෙනෙකු පොලිසිය භාරයට පත් කර ඇති බවත් ප්රකාශ කර සිටියා.
 | ReplyForward |
