ලෝක ටෙස්ට් ශූරතාවලියේදී ශ්‍රී ලංකාව පෙරමුණට

අයි.සී.සී. ලෝක ටෙස්ට් ශූරතා ප්‍රසාද ලකුණු සටහනේ පෙරමුණට පැමිණීමට ශ්‍රී ලංකාවට හැකියාව ලැබී තිබේ. එංගලන්තය සහ ඔස්ට්‍රේලියාව අතර පැවැත්වෙන අලුබඳුන ටෙස්ට් තරගාවලියේ සිව්වැනි තරගය ජය පරාජයෙන් තොරව අවසන් වීමත් සමඟින් ශ්‍රී ලංකාවට පෙරමුණට ගැනීමට හැකියාව ලැබී තිබේ.

ලෝක ටෙස්ට් ශූරතාවලිය යටතේ ටෙස්ට් තරග 2 කට ක්‍රීඩා කර සිටින ශ්‍රී ලංකාව එම තරග 2 ම ජය ගනිමින් ප්‍රසාද ලකුණු 24 ක් ලබා සිටින්නේ ජයග්‍රාහී ප්‍රතිශතකය 100% ක් තබා ගනිමිනි. සිව්වැනි ටෙස්ට් තරගය ජය පැරදුමෙන් තොරව අවසන් වීමත් සමඟ ඔස්ට්‍රේලියානු පිලේ ජයග්‍රාහී ප්‍රතිශතය 83.33% දක්වා අඩු වී තිබේ. අලු බඳුන තරගාවලිය යටතේ තරග 4 කට ක්‍රීඩා කළ ඔස්ට්‍රේලියාව ඉන් තරග 3 ක් ජය ගෙන එක් තරගයක් ජය පැරදුමෙන් තොරව අවසන් කරගැනීමට සමත්ව සිටියි.

මෙම සටහනේ ජයග්‍රාහී ප්‍රතිශතය 75% ක් රඳවාගෙන සිටින පාකිස්තානු පිල තෙවැනි ස්ථානයේ පසුවෙයි. ඉන්දියාව සිව්වැනි ස්ථානයේ රැඳෙද්දී දකුණු අප්‍රිකාව, බංග්ලාදේශය සහ බටහිර ඉන්දීය කොදෙව් පිළිවෙලින් පස්වැනි, හයවැනි සහ හත්වැනි ස්ථාන වල රැඳී සිටිති. ඉකුත් වර ටෙස්ට් ලෝක ශූරයින් බවට පත් වුණු නවසීලන්ත කණ්ඩායම නවසීලන්ත පිල හමුවේ ලද පරාජයත් සමඟ 8 වැනි ස්ථානයේදී එංගලලන්ත පිල 9 වැනි ස්ථානයේදී පසුවෙයි.