නිරෝධායන නීති උල්ලංඝනය කළ පුද්ගලයින් 639 දෙනෙකු අත්අඩංගුවට ගෙන තිබේ.
ඒ, ගතවූ පැය 24 තුළ කළ මෙහෙයුම් වලිනි.
පොලීසිය සඳහන් කළේ, ඒ අනුව මේ වන විට සමස්තයක් ලෙස පුද්ගලයින් 57,435 දෙනෙකු අත්අඩංගුවට ගෙන ඇති බවය.
මේ අතර, බස්නාහිර පළාතට ඇතුළු වන සහ පිටවන ස්ථාන 13 කදී ඊයේ(23) දිනය තුළ පරික්ෂා කිරීම් සිදු කර තිබේ.
පොලීසිය පැවසුවේ, එහිදී බස්නාහිර පළතෙන් පිටවන පුද්ගලයින් 1,017 සහ ඔවුන් පැමිණි වාහන 618 ක් ද පරික්ෂාවට ලක් කළ බව ය.
එමෙන් ම අදාළ මාර්ග බාධකවලදී බස්නාහිර පළාතට ඇතුළු වන පුද්ගලයින් 1,267 දෙනෙකු සහ ඔවුන් පැමිණි වාහන 751 පරික්ෂාවට ලක් කර තිබෙන බව පොලීසිය පවසයි.
