දේශීය

මේ දුෂ්කර මොහොත ජයගැනීමට බුදු දහමට සමීපවන්න!

කොවිඩ් 19 වසංගතය හේතුවෙන් පැන නැඟ ඇති දුෂ්කර මොහොත ජය ගැනීම සඳහා බුදුදහමේ සදාතනික ඉගැන්වීම් ජීවිතවලට වඩාත් සමීප කරගන්නා ලෙස කර්මාන්ත ඇමති විමල් වීරවංශ මහතා පවසයි.
සිය වෙසක් දින පණිවුඩයෙන් ඒ මහතා මේ බව ප්‍රකාශ කරන අතර එම ප්‍රකාශය පහතින්,
“බුදුරජාණන් වහන්සේගේ තෙමඟුල සිහිපත් කෙරෙන තවත් වෙසක් පුන් පොහෝ දිනයක් අදට (26) යෙදී තිබේ. ලොව පුරා වෙසෙන බෞද්ධ ජනතාව දාන, සීල, භාවනා වැනි ප්‍රතිපත්ති පූජාවලට මුල් තැන දෙමින් දන්සැල් පැවැත්වීම, තොරණ ආදී වෙසක් සැරසිලි සිදු කිරීම, මල් පහන් පූජා වැනි ආමිස පූජාවන්හි ද යෙදෙමින් උත්සවශ්‍රීයෙන් සැමරූ වෙසක් දිනය කොරෝනා වසංගතය හේතුවෙන් නිවෙස්වලට සීමා වී සැමරීමට සිදුව තිබේ.
ලෝකයම ගිල ගත් ව්‍යවසනයකින් සුවපත් වීමේ අභියෝගය අප ඉදිරියේ පවතී. මහා පරිමාණයේ ආර්ථික බිඳ වැටීමකට වත්මන් ලෝකය මුහුණ දී තිබේ. ජන ජීවිත බිඳ වැටී තිබේ. සමස්ත ලෝකවාසීන්ටම පෙර පරිදි තම ජීවිත පවත්වාගෙන යෑම දුෂ්කරව පවතී.
එම නිසා ලොව ඉදිරියේ පවතින මහා අභියෝගයට සාර්ථකව මුහුණ දිය හැකි පරිදි සමස්ත ලෝකවාසීන් තුළම ගැඹුරු මානසික පරිවර්තනයක් සිදුවිය යුතුව තිබේ. විශේෂයෙන් පරිභෝජන රටාවෙහි බරපතළ වෙනස්කමකට සූදානම් විය යුතුය. අල්පේච්ඡතාව හුරු පුරුදු විය යුතුය. සංයමය, ඉවසීම, දුකට සැපට සම සේ මුහුණ දීම ඒ පරිවර්තනයට ඇතුළත් විය යුතු ය. බුදු වදන් නුවණින් විමසමින් එකී පරිවර්තනයට ලෝකවාසී බෞද්ධ ජනතාවට සූදානම් වීමට සුදුසුම මොහොත මෙම වෙසක් සමයය.
බුදුන්ගේ පා පහස තෙවරක් ලැබූ, බෞද්ධයන්ගේ මුදුන් මල්කඩ වූ ශ්‍රී දළදා මාලිගාව පිහිටි මෙපින්බිමෙහි බෞද්ධ ජනතාවට ඉහත පරිවර්තනයට පහසුවෙන් නැඹුරු විය හැකි ය. ඒ මෙපින්බිම සැමදා පෙරට ගියේ බෞද්ධ සභ්‍යත්ව උරුමය මත පා තබමින් නිසාය. එබැවින් මේ දුෂ්කර මොහොතේ බුදුදහමේ ඉගැන්වීම් අන් කවරදාටත් වඩා අප ජීවිතවලට ආදේශ කරගනිමින් මතුව ඇති ව්‍යවසනයට සාර්ථකව මුහුණ දිය හැකි සමත්කම් සහිත ඇත්තන් වීමට මෙරට බෞද්ධ ජනතාව බලවත්ව අදිටන් කරගත කර ගත යුතුව තිබේ.

Recent Posts

ඉන්දියාවේ අධ්‍යාපන ඇමති ඉල්ලා අස්වෙයි – Cockroach Movement විරෝධතාවලට ජය

ඉන්දියාවේ මධ්‍යම අධ්‍යාපන අමාත්‍ය ධර්මේන්ද්‍ර ප්‍රධාන් (Dharmendra Pradhan) සිය ධුරයෙන් ඉල්ලා අස්වී තිබේ. ඔහුගේ ඉල්ලා…

7 hours ago

වසර 150කින් ප්‍රබලතම El Niño? 2026 ගැන විද්‍යාඥයන්ගේ අනතුරු ඇඟවීමේ ඇත්ත…

ලොව පුරා කාලගුණික රටා සැලකිය යුතු ලෙස වෙනස් කළ හැකි El Niño සංසිද්ධිය 2026 වසරේදී…

7 hours ago

Used විදුලි මෝටර් රථයක් මිලදී ගන්න හොඳම කාලයද? මෙන්න ලෝකයේ හොදම Used EV 5 අලුත්ම වාර්තාව.

විදුලි මෝටර් රථ (EV) සඳහා ඇති ඉල්ලුම ලොව පුරා වේගයෙන් ඉහළ යමින් පවතින අතර, නවතම…

9 hours ago

Sri Lankan Actor Mahendra Perera Wins Best Actor at Malaysia Golden Global Awards 2026

Veteran Sri Lankan actor Mahendra Perera has won the Best Actor award at the Malaysia…

20 hours ago

මැලේසියා ගෝල්ඩන් ග්ලෝබල් සම්මාන උළෙලේ හොඳම නළුවා සම්මානය මහේන්ද්‍ර පෙරේරාට

ශ්‍රී ලාංකික ප්‍රවීණ රංගන ශිල්පී මහේන්ද්‍ර පෙරේරා 2026 වසරේ Malaysia Golden Global Awards සම්මාන උළෙලේ…

20 hours ago

Sri Lankan Educator Bernadine Jayasinghe Honoured with Inspirational Educator Award at the House of Lords, UK Parliament

London, United Kingdom Sri Lankan educator, keynote speaker, and Presidential and State Award recipient Ms.…

1 day ago