සියලු වතු රෝහල් කැබිනට් පත්රිකාවක් මගින් රජයට පවරා ගැනීමට කටයුතු කරන බව සෞඛ්ය ඇමතිනී පවිත්රා වන්නිආරච්චි මහත්මිය අද (07) පාර්ලිමේන්තුවේදී පැවසුවාය.ඒ මහත්මිය මේ බව ප්රකාශ කළේ පාර්ලිමේන්තු මන්ත්රී වඩිවේල් සුරේෂ් මහතා විසින් වාචික පිළිතුරු අපේක්ෂාවෙන් යොමු කරන ලද ප්රශනනයකට පිළිතුරු ලබා දෙමිනි.
තවදුරටත් පිලිතුරු ලබා දෙමින් අමාත්යවරිය පැවසුවේ පවරා ගැනීමට අපේක්ෂිත වතු සෞඛ්ය ආයතන 76ක් රජයට පවරා ගැනීමට අවශ්ය කටයුතු සිදු කරමින් සිටින බවයි.සියලුම වතු සෞඛ්ය ආයතන රජයට පවරා ගැනීම සඳහා ඉඩම් අත්පත් කර ගැනීමේ මූලික පියවරක් ලෙස ඒ පිළිබඳ අවශ්ය තොරතුරු රැස්කොට තිබේ. වතු ආශ්රිත සෞඛ්ය ආයතන වතු සමාගම් යටතේ පවතින බැවින් ඉඩම් අත්පත් කර ගැනීමේ යම් බාධාවක් පවතින බවද අමාත්යවරිය පැවසුවාය.
වතු රෝහල් සඳහා රජයේ වෛද්යවරු පත් කිරීමේදී ඇති වන දුෂකරතා මගහැරවීමට කටයුතු කරන බවත් දෙමළ භාෂාව කථා කළ හැකි පවුල් සෞඛය සේවිකාවන් පත් කිරීමට කටයුතු කරන ලෙසට මන්ත්රීවරයා කල ඉල්ලීම සලකා බලන බවත් මෙහිදී අමාත්යවරිය පැවසුවාය.
වතු ආශ්රිත සෞඛ්ය ආයතන වලට ගිලන්රථ ලබාදීම සඳහා මේ වන විට රජය විසින් ණය නොවන ආධාර ලබා ගැනීම සඳහා විවිධ රටවල් සමග සාකච්ඡා කරමින් පවතින අතරම කොවිඩ් අරමුදලෙන් යම් ප්රමාණයක් ඒ වෙනුවෙන් යොදා ගැනීම පිළිබඳව සලකා බලමින් පවතින බව ද පැවසුවාය.
