පාස්කු ඉරු දින ප්රහාරය විදෙස් ත්රස්ත කණ්ඩායමක පූර්ණ අධීක්ෂණය යටතේ සිදු වූවක් යැයි තමන් දැඩිව විශ්වාස කරන බව හිටපු ආරක්ෂක මාණ්ඩලික ප්රධානී, හිටපු නාවික හමුදාපති අද්මිරාල් රවීන්ද්ර විජේගුණරත්න මහතා පාස්කු ප්රහාරය සම්බන්ධයෙන් සොයා බැලෙන ජනාධිපති පරීක්ෂණ කොමිසම හමුවේ පෙරේදා (05) කියා සිටියේය.
යහපාලන රජය මෙරට බුද්ධි අංශ දුර්වල කිරීම මෙම ප්රහාරය එල්ල වීමට හේතුවක් බව කී ඒ මහතා, බුද්ධි නිලධාරීන් ආරක්ෂා කිරීමට යාම නිසා තමන් ද අද ඇප මත සිටින චූදිතයෙක් බවට පත් ව සිටින බව පැවැසීය. බෝම්බ හයක් එකවර පුපුරවා හැරි ලොව ප්රථම අවස්ථාව පාස්කු ඉරු දින ප්රහාරය බවත් ත්රස්තවාදය මර්දනය කළ හැකි බව ලොවට කියා දුන් ශ්රී ලංකාවට, මෙම ත්රස්ත ප්රහාරය ගැන විදෙස් තොරතුරක් ඔස්සේ දැන ගැනීමට ලැබීම අගෞරවයක් බව ද පැවැසූ ඒ මහතා, ජීවිත කාලය පුරාම රට රැක ගැනීමට කැප වූ නිලධාරියෙක් ලෙස තමන්ට මෙම ප්රහාරයේ කම්පනය හැමදාමත් පවතන බව ද කියා සිටියේය. මාවනැල්ල බුදු පිළිම කැඩීමේ සිද්ධිය, වනාතවිල්ලුව, වව්නතිව් පොලිස් මුරපොළට පහර දීම වැනි සිදුවීම් ගැන සීඅඩිඩිය විසින් පරීක්ෂණ කිරිමේ දී නිවැරදි මාර්ගයේ ගමන් නොකළ බව අවධාරණය කළ ඒ මහතා, මෙහි වගකීම එල්.ටී.ටී.ඊ.යට නොපවරා නිසි විර්ශනයක් කළේ නම් වැදගත් කරුණු රැසක් සොයා ගැනීමට හැකිව තිබු බවද ඒ මහතා කීවේය.
ප්රහාරය සම්බන්ධයෙන් බුද්ධි තොරතුරු ලැබුණු ආකාරය ප්රකාශ කිරිමෙන් විශාල වරදක් කර ඇති බවත් ඒ තොරතුර අපට ලැබුණු අවසන් බුද්ධි තොරතුර බවත් පැවැසීය.
උපුටා ගැනීම දිනමිණ
