ශ්රී ලංකා ක්රිකට් කණ්ඩායමේ ක්රීඩක ධනංජය සිල්වා මහතාගේ පියා වන රංජන් සිල්වා මහතා ඝාතනය කිරීමේ සිද්ධියේ ප්රධාන සැකකරු එක්සත් අරාබි එමීර් රාජ්යයේ අබුඩාබි පොලිසිය මගින් අත්අඩංගුවට ගෙන ඇත.
ජාත්යන්තර පොලිසියේ රතු නිවේදනයට අනුව අබුඩාබි පොලිසිය විසින් මෙම ප්රධාන සැකකරු අත්අඩංගුවට ගත් බව පොලිස් මාධ්ය ප්රකාශක නියෝජ්ය පොලිස්පති නීතිඥ අජිත් රෝහණ මහතා පැවැසීය.
ශ්රී ලංකා ක්රිකට් කණ්ඩායමේ ක්රිකට් ක්රීඩක ධනංජය සිල්වා මහතාගේ පියාවන දෙහිවල ගල්කිස්ස නගර සභාවේ නාගරික මන්ත්රීවරයෙකුවූ රංජන්ද සිල්වා මහතා 2018 මැයි මස 24 වෙනි දින එක්තරා කණ්ඩායමක් විසින් ඝාතනය කර තිබුණි.
මෙම ඝාතනය මෙහෙයවනු ලැබූ තැනැත්තා ධර්මසිරි පෙරේරා නැමැත්තෙකු බව පොලිස් පරික්ෂණ වලදී අනාවරණය වී තිබූ අතර ඔහු එම ඝාතනයත් සමග මෙරටින් පලාගොස් එක්සත් අරාබි එමීර් රාජ්යයේ ජීවත්වන බවට තොරතුරු අනාවරණය වී තිබු බවද පොලිස් මාධ්ය ප්රකාශකවරයා පැවසීය.
මේ පුද්ගලයා සම්බන්ධයෙන් නිරන්තරයෙන් කරුණු සොයා බැලීමේදී අනාවරණය වූයේ මොහු තවත් අපරාධ රැසකට සම්බන්ධ පුද්ගලයෙකු බවත් ගල්කිස්ස ජ්යෙෂ්ඨ පොලිස් අධිකාරීවරයා විසින් මීට මාස කිහිපයකට පෙර අධිකරණය මගින් මෙම ධර්මසිරි පෙරේරා නැමැත්තා සම්බන්ධව වරෙන්තුවක් ලබාගත් බව පවසන පොලිස් මාධ්ය ප්රකාශකවරයා එම වරෙන්තුව අන්තර්ජාතික පොලිසිය හෙවත් ඉන්ටර්පෝල් ආයතනය වෙත ඉදිරිපත් කිරීමෙන් අනතුරුව රතු නිවේදනයක් ඉල්ලා සිටී බවද කියා සිටියේය.
ඒ අනුව අදාල තැනැත්තා සම්බන්ධයෙන් ඉන්ටර්පොල් ආයතනය රතු නිවේදනයක් නිකුත් කර තිබුණි. එම රතු නිවේදනය එක්සත් අරාබි එමීර් රාජ්යයේ ඉන්ටර්පොල් ශාඛාව වෙත නිකුත් කිරීමෙන් අනතුරුව පසුගිය 29 දා මෙම සැකකරු අබුඩාබි පොලිසිය විසින් අත්අඩංගුවට ගෙන ඇති බව ශ්රී ලංකාවේ ඉන්ටර්පොල් ශාඛාව වෙත දන්වා එවා ඇත.
දිනමිණ
ශ්රී ලාංකීය දේපළ වෙළඳාම් ඉතිහාසය උඩුයටිකුරු කරමින්, මුළු මහත් කොළඹ නගරයම මවිතයට පත් කළ පෙරළිකාර…
ආදිවාසී නායක ඌරුවරිගේ වන්නිල ඇත්තන් සහ අග්රාමාත්ය ආචාර්ය හරිනි අමරසූරිය අතර හමුවක් අද (12) පාර්ලිමේන්තු…
ඉන්දියාවේ තමිල්නාඩු ප්රාන්තයේ චෙන්නායි නගරයේ කොයම්බේඩු පාලම අසලදී සිදු වූ අනතුරකින් වයස අවුරුදු 18ක් වූ…
දේපළ වෙළඳාම් ක්ෂේත්රයේ දශක තුනක අත්දැකීම් සහිත ප්රයිම් සමූහය, 2026 වසරේ Real Estate Asia Awards…
ලබන වසර සඳහා ගල්අඟුරු ආනයනය කිරීමේදී බාල ප්රමිතියෙන් යුත් නිෂ්පාදන රට තුළට ඇතුළුවීම වැළැක්වීම සඳහා…
ටපු අමාත්ය බැසිල් රාජපක්ෂ මහතා අත්අඩංගුවට ගෙන අධිකරණයට ඉදිරිපත් කරන ලෙස නියෝග කරමින් මාතර සහ…