නාරාහේන්පිට මෝටර් රථ දෙපාර්තුමේන්තුව හෙට සිට වැඩ

කොවිඩ් 19 වසංගත තත්ත්වය හේතුවෙන් නාරාහේන්පිට ප්‍රදේශය හුදකලා ප්‍රදේශයක්ව පැවැතියද අද (24) සිට නාරාහේන්පිට මෝටර් රථ ප්‍රවාහන දෙපාර්තුමේන්තුවේ ප්‍රධාන කාර්යාලය පිහිටි ප්‍රදේශය මුදා හැරීමට රජය තීරණය කොට ඇත

ඒ අනුව මෝටර්රථ ප්‍රවාහන දෙපාර්තුමේන්තුවේ ප්‍රධාන කාර්යාලය අවම කාර්ය මණ්ඩලයක් යොදා ගනිමින් සේවාලාභීන් අපහසුතාවයට පත් නොවන ආකාරයට යළි විවෘත කිරිමට තීරණය කළ බව මෝටර් රථ ප්‍රවාහන කොමසාරිස් ජෙනරාල් සුමිත් සී.කේ .අලහකොන් මහතා පවසයි.

නාරාහේන්පිට ප්‍රධාන කාර්යාලය විවෘත කළද සේවා සැපයීම සදහා කලින් දිනයක් හා වේලාවක් වෙන්කර ගැනීම මත සිදු කෙරේ.සතියේ දිනවල පෙරවරු 09.00 සිට පස්වරු 04.00 දක්වා සේවා සපයන අතර පහතින් හදුන්වාදී ඇති දුරකථන අංක අමතා කල්වේලා ඇතිව දිනයක් හා වේලාවක් වෙන් කර ගත හැකිය. මීට අමතරව යාපනය,අනුරාධපුරය,කුරුණෑගල ,ගම්පහ හා හම්බන්තොට දිස්ත්‍රික් කාර්යාල මගින් වාහන පැවරීමට අදාල සේවාවන් තව දුරටත් පවත්වාගෙන යන බැවින් ඔබට ආසන්නම ඇති කාර්යාලයෙන් තම සේවාවන් ලබා ගැනීමේ පහසුකම් සපයා තිබේ.

දෙපාර්තුමේන්තුවේ කාර්යාල පරිශ්‍රවයන් වෙත පැමිණෙන විට සෞඛ්‍ය හා ආරක්ෂක මගින් පනවා ඇති නීති රීති හා උපදෙස් වලට අනුකෑලව කටයුතු කළයුතුවෙයි. මුඛ ආවරණ පැළදීම ,දෑත් සේදීම ,සමාජ දුරස්ථභාවය පවත්වාගෙන යාම යන සෞඛ්‍ය පුරුදු අනුගමනය කරන්න .

කාර්,වෑන් ලොරි නව ලියාපදිංචිය 0706354107,0706354108,බස් හා ඉඩම් වාහන නව ලියාපදිංචිය 0706354109,යතුරු පැදි නව ලියාපදිංචිය 0706354110,0706354111,ත්‍රීරෝද රථ ලියාපදිංචිය 0706354112,කාර් පැවරුම් 070635414,0706354115,ත්‍රීරෝද රථ පැවරුම් 0706354116,0706354117,වෙළද වාහන පැවරුම් 0706354118,0706354119,ලොරි පැවරුම් 0706354120,යතුරු පැදි පැවරුම් 0706354137,0706354138,බස් හා ඉඩම් වාහන පැවරුම්0706354139,0706354140,අංක තහඩු 0706354141,කාර්මික 0706354142,විමර්ශන0706354144,සුඛෝපභෝගී /අර්ධ සුඛෝපභෝගී බදු 0706354145,අනෙකුත් විමසීම් සදහා 0706354146,0706354147,0706354148,0706354149 හා පැමිණිලි හා යෝජනා 0706354150 යන දුර කථන අංක වලට ඇමතුම් ලබා ගෙන තම සේවාවන් ලබා ගන්නා ලෙසද සුමිත් අලහකොන් මහතා ඉල්ලා සිටී.

ගගන වෙඩ් නිවුස්