ජන ජීවිතයට පීඩාවක් සහ ආර්ථිකයට හානිකර බලපෑමක් නොවන පරිදි කොවිඩ් ව්යාප්තිය මර්දනය පිණිස කොවිඩ් මර්දන ජනාධිපති කාර්ය සාධක බලකායේ සාමාජිකයන් සමග අද (01) ජනාධිපති කාර්යාලයේ පැවති සාකච්ඡාවක දී තීරණ රැසක් ගන්නා ලදී.පුද්ගලයන් නිරෝධායන මධ්යස්ථාන වෙත ගෙන යාම වෙනුවට තම නිවෙස් තුළම නිරෝධායනයට රජය ගත් පියවර සාර්ථික ප්රතිඵල ගෙන දෙමින් තිබේ. මේ ක්රියාවලිය තවදුරටත් විධිමත් කිරීම සඳහා සෞඛ්ය වෛද්ය නිලධාරී, මහජන සෞඛ්ය පරීක්ෂක, පොලීසීය සහ යුද හමුදාව යන අංශවල අධීක්ෂණයට නිරන්තරයෙන් ලක් විය යුතු වේ. නිවෙස්වල නිරෝධායනය වන පුද්ගලයන්ගේ PCR පරීක්ෂණ 10 වන දිනයේ දී කළ යුතුය.
ප්රතිඵල අනුව ආසාදනයට ලක් නොවූවන් දින 14කට පසු සාමාන්ය ජන ජීවිතයට යොමු කරන ලෙස සෞඛ්ය බලධාරීන්ට නියම කරන ලදී.කොවිඩ් 19 පිළිබඳව අත්දැකීමක් නොතිබූ කලින් අවස්ථාවේ ඉතා හොඳින් ජනතාව ආරක්ෂා කර ගැනීමට රජයට හැකි විය. එහිදී ගත් උපක්රම සහ ක්රමවේද ඉවහල් කර ගනිමින් වත්මන් තත්ත්වය පාලනයට පියවර ගත යුතුය.අඛණ්ඩව සහ නිරන්තරයෙන් අහඹු පරීක්ෂණ කිරීමේ වැදගත්ය. එමෙන්ම ඒවායේ ප්රතිඵල කෙටි වේලාවකදී දීමට හැකි උපරිම උත්සාහය ගත යුතු වේ. පෞද්ගලික රෝහලකින් හෝ රජය මගින් හෝ කවර ආකාරයකින් PCR පරීක්ෂණය කෙරුණද අදාළ පුද්ගලයා ප්රතිඵල එන තෙක් නිරෝධායනයට යොමු කිරීම අනිවාර්ය බවත් පෞද්ගලික රෝහල්වල සිදු කරන PCR පරීක්ෂණ සෞඛ්ය අමාත්යාංශයේ දැඩි අධීක්ෂණයට ලක්විය යුතුය.කොවිඩ් ආසාදිතයන් හමුවූ පසු ආශ්රිතයන් සහ ප්රදේශ හුදකලා කරනුයේ පැතිර යාම වැළැක්වීමට ගන්නා කඩිනමි පියවරක් ලෙසිනි. ඉන් ඔබ්බට ගොස් ඇඳිරි නීතිය පැනවීමෙන් රෝග ව්යාප්තිය මර්දනය අපේක්ෂා කෙරේ.
එබැවින් ඇඳිරි නීතිය බලපැවැත්වෙන ප්රදේශවල එය දැඩිව ක්රියාත්මක කරන ලෙස පොලීසියට උපදෙස් දෙන ලදී.භාණ්ඩ බෙදා හැරීම ඇතුළු අත්යාවශ්ය සේවා හැර දිස්ත්රික්ක අතර සංචරනය අත්හිටුවිමට ද තීරණය කෙරිණ.ඇඳිරි නීතිය ක්රියාත්මක කාලය තුළ මීට පෙර සිදු කළ ආකාරයටම අත්යාවශ්ය භාණ්ඩ බෙදා හරින බව ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්රධානී බැසිල් රාජපක්ෂ මහතා සඳහන් කළේය.දිස්ත්රික් හා ප්රාදේශීය ලේකම්වරුන්ට, ග්රාම නිලධාරීන්ට සහ පළාත් පාලන නියෝජිතයන්ට වගකීම් පවරමින් වැඩසටහන ක්රියාත්මක කරන අතර, මාසික වැඩිහිටි දීමනාව පෙර පරිදිම නිවසටම ගොස් භාර දෙන බව බැසිල් රාජපක්ෂ මහතා පැවසීය.නිවෙස්වල නිරෝධායනය වන්නන්ට රුපියල් 10,000ක බඩු මල්ලක් දීමට ද පියවර ගෙන තිබේ.රෝග ව්යාප්තිය නතර කිරීමෙන් පසුවද ආසාදිතයන් හමුවුවහොත් ඊට හේතු වෙනම විමර්ශණය කරන්නැයි මෙහිදී නිලධාරීන්ට උපදෙස් දුන්නෙමි.
බස්නාහිර පළාත තුළ ක්රියාත්මක ඇඳිරි නීතිය අඛණ්ඩව නොවැම්බර් 09 වැනි සඳුදා පෙ.ව 5.00 තෙක් දීර්ඝ කිරීමට ද තීරණය කෙරිණ. රත්නපුර දිස්ත්රික්කයේ ඇහැලියගොඩ පොලිස් වසම, කුරුණෑගල නගර සභා සීමාවට සහ කුලියාපිටිය පොලිස් වසමට ද ලබන 09 දා තෙක් ඇඳිරි නීතිය පනවනු ලැබිණ.මේ කාලසීමාව තුළ සාමාන්ය පරිදි ඇඳිරි නීති බලපත්ර නිකුත් නොකරන ලෙසට ද පොලීසියට උපදෙස් දෙනු ලැබිණ.ඇමතිනි පවිත්රා වන්නිආරච්චි, අමාත්ය වෛද්ය රමේෂ් පතිරණ, රාජ්ය අමාත්යවරුන් වන වෛද්ය සුදර්ශනී ප්රනාන්දුපුල්ලේ, වෛද්ය සීතා අරඹේපොල, මහාචාර්ය චන්න ජයසුමන, ජනාධිපති ප්රධාන උපදේශක ලලිත් වීරතුංග යන මහත්ම මහත්මීහූ සහ කොවිඩ් මර්දන ජනාධිපති කාර්ය සාධක බලකායේ සාමාජිකයෝ සාකච්ඡාවට එක්ව සිටියහ.Photography By : De Samarakoon & Shamika Wackwella (President’s Media Division)#GotabayaRajapaksa#GR#COVID19LK#අපිටපුළුවන්#TogetherWeCan
කැලණි ගඟ ආශ්රිත ඉහළ ප්රදේශයට ඇතිවූයේ වර්ෂාව හේතුවෙන් කැලණි ගඟේ පහළ කොටසේ ජල මට්ටමේ ඊයේ…
කොත්මලේ ජලාශයේ ජල මට්ටම පහළ යාම හේතුවෙන් ජලාශය ආශ්රිතව සිදුකෙරෙන ජල ක්රීඩා, නාවික සහ විනෝදාත්මක…
Recent incidents at the Mahara and Negombo Prisons were not isolated or spontaneous events but…
Minister of Housing and Water Supply Dr. Susil Ranasinghe addresses the media regarding recent incidents…
පාස්කු ඉරු දින ත්රස්ත ප්රහාරයට පෙර ඒ සම්බන්ධ බුද්ධි තොරතුරු ලැබී තිබියදීත් එය වැළැක්වීමට අවශ්ය…
චන්දන ජයවීර හිටපු ඇමැති මර්වින් සිල්වාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව පවරා…