දේශීය

?? ඉන්දීය ක්‍රිකට් ඉතිහාසයේ සුපිරි ක්‍රීඩකයෙක් බිහිකළ වටිනා කාසි 13…

වයස අවුරුදු 11ක කුඩා දරුවෙක් කඩදාසි කොල බෝලයක් හදාගෙන කොස්සෙන් පහර දෙමින් ගෙදර වැඩකරන ආයාම්මා එක්ක ක්‍රිකට් ක්‍රීඩා කරනවා. මේ කුඩා දරුවගෙ ක්‍රිකට් වලට තියෙන ආසාව නිසාම ඔහුගෙ වැඩිමහලු සොහොයුරා ඔහුව ක්‍රිකට් ඉගෙන ගන්න රාමකාන්ත් අච්‍රේකාර් (Ramakant Achrekar) ගුරුවරයා වෙත බාර දෙනවා. ටික දවසක් යන විට ගුරුවරයා තේරුම් ගන්නවා මේ කුඩා දරුවට පිතිකරණ හැකියාවක් නැහැ කියල. ඔහු මෙම කුඩා දරුවව පන්දු යැවීම ඉගෙන ගන්න සුප්‍රකට වේගපන්දු පුහුණු කරුවෙකු වන ඩෙනිස් ලිලී වෙත යොමු කරනවා.

මේ කුඩා දරුවගෙ පන්දු යැවීම දෙස බලාගෙන හිටපු ඩෙනිස් ලිලී තේරුම් ගන්නවා වේග පන්දු යවන්නකුට අවශ්‍ය ශරීර ශක්තිය මේ කුඩා දරුවට නැති බව. ඔහු කුඩා දරුවගෙ හිත නොරිදෙන්න, කුඩා තුන්ඩු කෑල්ලක,

“මම හිතනවා ඔහු පන්දු යැවීමට වඩා පිතිකරණයට සුදුසුයි කියල”, ලියල නැවත වරක් දරුවව ඔහුගේ කලින් පුහුණුකරු වෙත යවනවා.පුහුණුකරු මෙම තුන්ඩු කැබැල්ල කියවල බලල ඔහු හිතනවා, “

සුප්‍රසිද්ද පුහුණු කරුවෙක් වන ඩෙනිස් ලිලී කියනවානම්, මේ දරුවා පිතිකරණයට හොඳයි කියල, මට ඒක නොතේරුන එක මගේ අඩුපාඩුවක්”. ඔහු නැවත වතාවක් මේ කුඩා දරුවට පිතිකරණය කියල දෙන්න පටන් ගන්නවා.එහෙත් දිගින් දිගටම ඔහු පුහුණුවීම් වලදි කඩුල්ල රැකගන්න අසමත් වෙනවා. පුහුණුකරු අලුත් ක්‍රමයක් කල්පනා කරනවා මේ දරුවට කඩුල්ල රැකගෙන පන්දුවට පහර දෙනහැටි උගන්වන්න. ඔහු කඩුල්ලෙ බේල්ස් ඉවත් කරල ඒ වෙනුවට රුපියලේ කසියක් තියනවා. මේ කුඩා දරුවට කතා කරල කියනවා

“ඔයා අද අවුට් වෙන්නේ නැතුව විකට් එකේ හිටියොත්, මේ කසිය ඔයාට දෙනවා. ඔයා අවුට් උනොත් මේ කාසිය පන්දු යවපු කෙනාට දෙනවා”

කියල. මේ දරුවා උනන්දුවෙන් පන්දුවට පහර දෙන්න පටන් ගන්නවා. ඒත් සුලු වේලාවකින් ඔහු අවුට් වෙනවා. ඔහුට කාසිය ලැබෙන්නෙ නැහැ.ඔහු පුහුණුකරුව ළඟට ගිහිල්ල අහන්වා

“හෙටත් කස්සියක් තියන්වාද?” කියල. පුහුණුකරුට තේරෙනවා දැන් මේ දරුවාට කඩුල්ල රැකගෙන ඉන්න ඕනකම ඇතිවෙලා කියල.ඔහු දරුවට කියනවා “දැන් පුතා ගෙදර යන්න. ගෙදර ගිහිල්ල සතුටින් ඉන්න. ආයෙ හෙට එන්න. මං හෙටත් කාසියක් තියන්නම්”

කියල. මේ විදිහට දවසම කඩුල්ල රැකගෙන මේ කුඩා ක්‍රීඩකයා කාසි 13ක් පුහුණුකරුගෙන් ලබා ගන්නවා.මේ වයස අවුරුදු 11 දරුවා වෙන කවුරුත් නෙවෙයි, පසු කලක ලෝක පූජිත ක්‍රීඩකයකු බවට පත්වුන, ඉන්දීය සුපිරි පිතිකරු සචින් තෙන්ඩුල්කාර්. ඉන්දීය ජනතාව අද ඔහුව දේවත්වයෙන් සලකනවා.

ඔහුට ගෝඩ් ඔෆ් ක්‍රිකට් කියන අන්වර්ත නාමයක් පවා පටබැන්දල තියෙනවා. එසේම ඔහුගේ පුහුණුකරු රාමකාන්ත් අච්‍රේකාර් (Ramakant Achrekar), ඉන්දීය ක්‍රිකට් ක්‍රීඩාවේ ද්‍රෝණ ආචාර්යවරයා ලෙස සලකණු ලබනවා. අදටත් සචින් ඔහුගේ පළමු ගුරුවරයාගෙන් ලැබුණු කාසි 13 පරිස්සම් සහගතව ළඟ තියන් ඉන්නවා වගේම, ඔලිම්පික් පදක්කමකට වඩා ඔහුට මේ කාසියක් වටින බව ඔහු පවසනවා.

– Dinesh Abeywickrama

#SachinTendulkar#RamakantAchrekar#DineshAbeywickrama

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

5 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

6 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

6 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago