2024 වසරෙන් පසු ඔස්කාර් සම්මානය සඳහා සුදුසුකම් කොන්දේසි

2024 වසරෙන් පසු හොඳම චිත්‍රපටය සඳහා වන ඔස්කාර් සම්මානය සඳහා සුදුසුකම් ලැබීමට සැපිරිය යුතු නව අවශ්‍යතා කිහිපයක් හඳුන්වා දීමට ඇකඩමිය තීරණය කර තිබෙනවා. මෙය අදාල වන්නේ හොඳම චිත්‍රපටයට සුදුසුකම් ලැබීමට පමණය. මෙහිදී A,B,C,D යන වර්ගීකරණයන්ගෙන් දෙකක් සපුරා තිබීම අතවශ්‍යයය. මෙම වර්ගීකරණයන් කෙසේදැයි බලමු .

# A වර්ගීකරණය සැපිරීමට පහත කරුණු වලින් එකක් හෝ සපුරා තිබිය යුතුය.

1. ප්‍රධාන හෝ සහය ප්‍රධාන නලු නිලියන් අතර ආසියාතික, කලු ඇමරිකානු, ලතින් ඇමරිකානු, රතු ඉන්දියානු වැනි අවශේෂ ජාතිකයන් සිටිය යුතුය.

2. සම්පූර්ණ නලු නිලි ලැයිස්තුවෙන් 30%ක් , කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත පුද්ගලයන් යන කාණ්ඩ තුනෙන් දෙකකවත් අය විය යුතුය.

3. චිත්‍රපටයේ කතා තේමාව කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත පුද්ගලයන් යන කාණ්ඩ වලින් එකක් පිළිබඳ විය යුතුය.

# B වර්ගීකරණය සැපිරීමට පහත කරුණු වලින් එකක් හෝ සපුරා තිබිය යුතුය.

1. පහත තනතුරු අයත් අංශ ප්‍රධානින් අවම වශයෙන් දෙදෙනෙක් කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත පුද්ගලයන් යන කාණ්ඩ වලට අයත් විය යුතුය. එමෙන්ම අවම වශයෙන් එක් අයෙක් ආසියාතික, කලු ඇමරිකානු, ලතින් ඇමරිකානු, රතු ඉන්දියානු වැනි අවශේෂ ජාතිකයෙක් විය යුතුය.

Casting Director, Cinematographer, Composer, Costume Designer, Director, Editor, Hairstylist, Makeup Artist, Producer, Production Designer, Set Decorator, Sound, VFX Supervisor, Writer

2. First AD, Gaffer, Script Supervisor වැනි තාක්ෂණික ශිල්පීන් ගෙන් අවම වශයෙන් හය දෙනෙක් ආසියාතික, කලු ඇමරිකානු, ලතින් ඇමරිකානු, රතු ඉන්දියානු වැනි අවශේෂ ජාතිකයන් විය යුතුය.

3. චිත්‍රපටයට දායක වන සම්පූර්ණ ශිල්පීන් සංඛ්‍යාවෙන් 30% ක් කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත පුද්ගලයන් යන කාණ්ඩ වලට අයත් විය යුතුය.

# C වර්ගීකරණය සැපිරීමට පහත කරුණු දෙකම සපුරා තිබිය යුතුය.

1. චිත්‍රපටය බෙදාහරින සමාගම හෝ මුදල් යොදවන සමාගම කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත පුද්ගලයන් යන කාණ්ඩ වලට අයත් ආධුනික පුහුණු ශිල්පීන් බඳවා ගත යුතුය.

2. චිත්‍රපටය බෙදාහරින සමාගම හෝ මුදල් යොදවන සමාගම කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත පුද්ගලයන් යන කාණ්ඩ වලට අයත් සේවකයන් හෝ පුහුණුවන නිළධාරීන් බඳවාගෙන තිබිය යුතුය.

# D වර්ගීකරණය සැපිරීමට පහත කරුණ සපුරා තිබිය යුතුය.

1. චිත්‍රපට සමාගම හෝ ස්ටුඩියෝවේ පහත කාණ්ඩ වලට අයත් ජ්‍යේෂ්ඨ නිළධාරීන් සිටිය යුතුය.

කාන්තාවන්, සමලිංගික/සංක්‍රාන්ති ලිංගික පුද්ගලයන් හෝ ආබාධිත හෝ
ආසියාතික, කලු ඇමරිකානු, ලතින් ඇමරිකානු, රතු ඉන්දියානු වැනි අවශේෂ ජාතිකයන්

මෙම නවතම සුදුසකම් පිලිබඳව මේ වනවිටත් බෙදීම් හටගෙන තිබෙනවා. සමහරුන්ට අනුව මේවා තද නීති ලෙසත් තවත් අයවලුන්ට අනුව පසුගිය වසර දහයේම හොඳම චිත්‍රපටය දිනාගත් චිත්‍රපට(Parasite, Green book, 12 Years a slave වැනි) මෙම අවශ්‍යතා ලෙහෙසියෙන්ම සපුරන බැවින් මෙය එතරම් තද නීතියක් ලෙස නොසැලකිය යුතු බවත් අදහස් පල කරනවා. නමුත් මේ ආකාරයට තෝරන චිත්‍රපටය හොඳම චිත්‍රපටය වනේනේ කෙසේදැයි ගැටලුවකි.