2022 වසර සඳහා ඉදිරිපත් කළ සංවර්ධන අයවැය වෙනුවට අලුත් අයවැයක් ඉදිරිපත් කරන්න සැලසුම් කරල තිබෙන බව අග්රාමාත්ය රනිල් වික්රමසිංහ මහතා ප්රකාශ කරයි.
එය සහන අයවැයක් ලෙස ඉදිරිපත් කිරීමට සැලසුම බව ද අග්රාමාත්යවරයා ප්රකාශ කළේ, විශේෂ ප්රකාශයක් සිදු කරමිනි.
අග්රාමාත්යවරයා මෙසේ ද පැවසීය,
”කෙටි කාලීනව අපි මුහුණ දෙන්න යන්නේ මීටත් වඩා දුෂ්කර කාලයකටයි. උද්ධමනය වැඩිවෙන්න ඉඩ තියෙනවා.මට දැඩි අකමැත්තෙන් වුවත් මේ මොහොතේ මුදල් මුද්රණය කිරීමට අවසර දෙන්න සිදුවෙනවා. ඒ රාජ්ය සේවකයන්ගේ මේ මාසයේ වැටුප් ගෙවීම සහ ඔබට අවශ්ය අත්යවශ්ය භාණ්ඩ හා සේවා වෙනුවෙන් වැය කිරීම සඳහායි. කොහොම වුනත් මුදල් මුද්රණය කිරීම නිසා රුපියල අවප්රමාණය වන බව අප සිහි තබාගත යුතුයි. මේ වන විට පවතින තත්ත්වය හමුවේ තෙල් සංස්ථාවට සහ විදුලි බල මණ්ඩලයට රුපියල් සොයාගැනීමට ද හැකියාවක් නෑ.කෙසේ වුවත් ඉදිරි මාස කිහිපය ඔබට මට ජීවිතයේ දුෂ්කරම කාලපරිච්ඡේදය ගත කරන්න සිදු වේවි. එයට අපි සියල්ලෝම කැපවීමෙන් මුහුණ දිය යුතුයි.”
