ප්රවීණ ගායක චන්ද්ර කුමාර කඳනාරච්චි මහතා අද (26) උදෑසන අභාවප්රාප්ත වී තිබෙනවා.
අසනීප තත්ත්වයක් හේතුවෙන් මහරගම පිළිකා රෝහලේ ප්රතිකාර ලබමින් සිටියදී ඒ මහතා අභාවප්රාප්ත වූ බවයි වාර්තා වන්නේ.
පෙම් බැන්ද සිත් බැන්ද, ගම මහනුවරයි, ඇගේ සිනහව තහනම් , හිතේ සතුට ජවිතයේ, නෙලුම් විලේ, සත් දිනකින් ඔබේ කටහඬ වැනි චන්ද්ර කුමාර මහතාගේ මධුර ස්වරයෙන් වර්ණවත් වූ ගීත එදා මෙදා තුර රසික ජනතාව වඩාත් ආදරයෙන් වැළඳගත් වටිනා ගීත නිර්මාණයන් බවට පත් වුණා.
චන්ද්ර කුමාර කඳනාරච්චි මහතා විසින් ගායනා කරන ලද බොහොමයක් ගීත 70 දශකයේ දී නිර්මාණය වූ අතර ඔහු ගේ බොහෝ ජනප්රිය ගීතයන් සඳහා උපාලි කන්නන්ගර මහතා ගී තනු නිර්මාණයෙන් දායක වී තිබෙනවා.
ප්රේමකීර්ති මහතා විසින් රචිත පෙම් බැන්ද සිත් බැන්ද වැනි ගීතයන්ට චන්ද්ර කුමාර් කඳනාරච්චි මහතා ගායනයෙන් ලබා දුන් සාධාරණය ඒ මහතා කලා ලොවේ දිගුකල් බබළවන්නට හේතු විය.
මියයන විට ඒ මහතා 76 වන වියෙහි පසුවුණා.