විදෙස්ගත ශ්‍රමිකයින් වෙනුවෙන් විද්‍යුත් වාහන 900කට ආසන්න ප්‍රමාණයක් ආනයනය කිරීම සඳහා බලපත්‍ර නිකුත් කර ඇති බව විදේශ රැකියා අමාත්‍ය මනූෂ නානායක්කාර පවසනවා.
එම වැඩපිළිවෙළ හරහා ඩොලර් මිලියන 100කට වැඩි මුදලක් විදෙස් ශ්‍රමිකයින්ගෙන් රට ඇතුළට ලැබී ඇති බවද අමාත්‍යවරයා ප්‍රකාශ කළා.
කෙසේ වෙතත් විදෙස් ශ්‍රමිකයින් වෙත ලබාදුන් වාහන ආනයනය කිරීමට අදාළ ණයවර නිකුත් කිරීම, දීර්ඝ කිරීමට මහාභාණ්ඩාගාරය මන්දගාමීව කටයුතු කිරීම බාධාවක් වී ඇති බව ඔහු පෙන්වා දෙනවා.
ජනාධිපතිවරයා විසින් ඉල්ලීම් කළ ද තවමත් ඒ සඳහා මහාභාණ්ඩාගාරයේ නිලධාරීන් ප්‍රතිචාර දක්වා නැති බව නානායක්කාර මහතා සඳහන් කළා.
අමාරුවෙලාවේ රටට ප්‍රතිලාභ ගෙනද්දුන්න මිනිසුන්ට දෙන සහනය ලබා දෙන්න මහාභාණ්ඩාගාර නිලධාරීන් කල් ගන්නා බවයි අමාත්‍යවරයා අද පාර්ලිමේන්තු විවාදයට එක්වෙමින් පැවසුවේ.
