සිංගප්පූරුවේ තොරතුරු සන්නිවේදන මාධ්ය අධිකාරි පනත එරට දියුණුවට ඉතාමත් වැදගත් වූවා සේම සත්ය තොරතුරු දැනගැනීමේ පුරවැසියාට ඇති අයිතිය සුරක්ෂිත කරමින් ශ්රී ලංකාව ද ලෝකයේ ඉහළට ඔසවා තැබීමට රජය කටයුතු කරමින් සිටින බව එක්සත් ජාතික පක්ෂයේ සභාපති පාර්ලිමේන්තු මන්ත්රී වජිර අබේවර්ධන මහතා පවසනවා.
සාමාජ මාධ්ය නිදහස ඕනෑම අයෙකුට ඇති නමුත්, එය අනෙකාට අපහාස කිරීම හෝ පළිගැනීමේ චේතනාන්විතව යොදා ගැනීම වැළැක්වීමට නීති රීති ගෙන එන බව මන්ත්රීවරයා ප්රකාශ කරනවා.
මන්ත්රීවරයා මෙම අදහස් පළ කර සිටියේ ඊයේ (16) ජනාධිපති මාධ්ය කේන්ද්රයේ ප්රවෘත්ති සාකච්ඡාවට එක්වෙමින්.
මාර්ගගත ක්රමවල සුරක්ෂිත භාවය පිළිබඳ කොමිෂන් සභාව පිහිටුවීම මඟින් පර්යේෂණාත්මක මාධ්යවේදියක් මෙන්ම පර්යේෂණාත්මක පුරවැසියකු නිර්මාණය වන බවද වජිර අබේවර්ධන මහතා පෙන්වා දෙනවා.
අපහාසාත්මක හා අසත්ය තොරතුරු මාර්ගගත ක්රමය හරහා ලබාදෙන පුද්ගලයින්ට දඩුවම් ලබා දීම සිදුවන්නේ අධිකරණ ක්රියාවලියක් හරහා බවත් කොමිසට දඩුවම් ලබාදීමේ අයිතියක් නොමැති බවත් ඔහු ප්රකාශ කළා.
