දියබෙදුගම පොලිස් වසමේ පේක්කුලම රක්ෂිත ප්රදේශයේ පැල් රකිමින් සිටි පුද්ගලයෙකු සැක කටයුතු ලෙස මියගොස් තිබෙනවා.
ඊයේ (13) සවස් කාලයේ මෙලෙස මියගොස් ඇත්තේ වයස අවුරුදු 45ක් වූ යාය 02, මැදිරිගිරිය ප්රදේශයේ පදිංචිකරුවෙකි.
අදාළ පුද්ගලයා ඥාති නිවසක රැඳි සිටිමින් වගා කටයුතු කරමින් සිට ඇත.
මොහු රාත්රී පැල් රැකීමට ගොස් පසුදින උදෑසන හේනට ජලය හැරවීමට ගොස් ඇති අතර, පසුව ඔහුගේ මෘත ශරීරය හේන ආසන්නයේ අමුණක තිබී හමුව තිබෙනවා.
මෘත ශරීරය පශ්චාත් මරණ පරීක්ෂණය සඳහා පොලොන්නරුව රෝහලේ මෘත ශරීරාගාරයේ තැන්පත් කර ඇත.
දියබෙදුම පොලිසිය විසින් වැඩිදුර විමර්ශන සිදුකරයි.
