සිව් වන දිනටත් ප්රංශයේ විරෝධතා උත්සන්න වී ඇති බවත් සිය ගනනක් වූ විරෝධතාකරුවන් ආරක්ෂක අංශ විසින් අත්අඩංගුවට ගෙන ඇති බවත් විදෙස් මාධ්ය වාර්තා කරනවා.
ඒ අනුව ඊයේ රාත්රිය වන විට විරෝධතාකරුවන් 471 ක් පමණ අත්අඩංගුවට ගෙන තිබේ.
විරෝධතාවන් පාලනය සඳහා තවදුරටත් පොලිස් නිලධාරීන් 45,000ක් යෙදවීමට එරට බලධාරීන් තීරණය කිරීමත් සමග ප්රචණ්ඩත්වය තවදුරටත් ඉහළයෑමක් දක්නට ලැබෙන බව විදෙස් මාධ්ය පවසනවා.
ඇල්ජීරියානු සම්භවයක් ඇති 17 හැවිරිදි තරුණයෙකු පොලිස් වෙඩි පහරින් මියයෑමත් සමඟ ප්රංශයේ නගර පුරා මෙම විරෝධතා හටගත්තා.
විරෝධතාකරුවන් ප්රංශයේ තුවක්කු ගබඩාවක් කොල්ලකා ඇති බව සඳහන් වන අතර එරට ජනපති එමානුවෙල් මැක්රෝන් විසින් හදිසි සාකච්ඡාවක් ඊයේ කැඳවා ඇත.
එම තරුණයාට වෙඩි තබා ඇති පොලිස් නිලධාරියා විසින් තරුණයාගේ පවුලේ අයගෙන් සමාව ඉල්ලා ඇති බව විදෙස් මාධ්ය සඳහන් කරයි.
විරෝධතා හටගත් දිනයේ සිට මේ දක්වා විරෝධතාකරුවන් 1,100කට වැඩි සංඛ්යාවක් අත්අඩංගුවට ගෙන ඇත.
රට පුරා ප්රවාහන සේවය විරෝධතා හමුවේ ඇණ හිට ඇති බව එරට මාධ්ය පවසයි.
