දේශීය ණය ප්රතිව්යුහගත කිරීමේ වැඩපිළිවෙළ එළැඹෙන සැප්තැම්බර් මාසය වන විට සාර්ථකව අවසන් කර රටේ ආර්ථිකය ස්ථාවර කර ගැනීමෙන් පසුව විශ්වවිද්යාල ආචාර්යවරුන් ඉල්ලා සිටින මූල්ය සහනයන් ඇතුළු වරප්රසාද පිළිබඳ සලකා බැලීමට රජයට හැකි වනු ඇති බව ජනාධිපති රනිල් වික්රමසිංහ මහතා පවසනවා.
ඒ මහතා මේ බව පැවසුවේ විශ්ව විද්යාල ආචාර්යවරුන් සමග අද (18) ජනාධිපති ලේකම් කාර්යාලයේදී පැවති විශේෂ සාකච්ඡාවකට එක් වෙමින්.
දේශිය ණය ප්රතිව්යුහගත කිරීමෙන් ආචාර්යවරුන්ගේ වැටුප්වලට ප්රශ්නයක් ඇති නොවන බව ජනාධිපති මෙහිදී පැවසුවා.
රටේ බංකොළොත් භාවය පිළිබඳ තීන්දුව ඉවත් කර ගැනීමට හැකි ඉක්මනින් කටයුතු කිරීමට සිදුව ඇති බවයි ජනාධිපතිවරයා වැඩිදුරටත් පැවසුවේ.