හතරවෙනි සැරේටත් පඩිය කැපෙනවා, සාධණීය විසඳුමක් දෙනවානම් උසස් පෙළ ප්රශ්න පත්ර බලනවා – මහාචාර්ය ශ්යාම් බන්නැහැක
ආණ්ඩුවෙන් සාධනීය විසඳුමක් ලැබෙන ඕනෑම අවස්ථාවක වෘත්තීය ක්රියාමාර්ගවලින් ඉවත්වන බව විශ්වවිද්යාල ආචාර්යවරුන්ගේ සමිති සම්මේලනයේ සභාපති මහාචාර්ය ශ්යාම් බන්නැහැක පවසනවා.
ඔහු සඳහන් කරන්නේ ඉදිරි දින කිහිපය වනවිට මේ අසාධාරණ බදු ක්රමය නිසා හතරවෙනි වරටත් වැටුප් කප්පාදුවට ලක්වන බවයි.
එම නිසා බොහෝ පීඩනයෙන් සිටින විශ්වවිද්යාල ආචාර්යවරුන් තවදුරටත් රට හැර යාමේ සූදානමකින් සිටින බව මහාචාර්ය ශ්යාම් බන්නැහැක අනාවරණය කරයි.
එබැවින් මේ ගැටලුව සඳහා මැදිහත් වී රජයෙන් සාධනීය විසඳුමක් ලැබෙන ඕනෑම මොහොතක වෘත්තීය සමිති ක්රියාමාර්ග වලින් බැහැරව උසස් පෙළ පිළිතුරු පත්ර ඇගැයීම් කටයුතුවලට සහභාගි වීමට සූදානම් බව විශ්වවිද්යාල ආචාර්යවරුන්ගේ සමිති සම්මේලනයේ සභාපති මහාචාර්ය ශ්යාම් බන්නැහැක වැඩිදුරටත් පවසනවා.
