ප්රබල සංවිධානාත්මක අපරාධ කල්ලි නායකයකු වන ගනේමුල්ල සංජීව නැමැත්තාගේ ප්රධානතම ගෝලයෙකු වන විද්දා සමග තවත් පුද්ගලයකු හෙරොයින් සමඟ පොලිස් විශේෂ කාර්ය බලකායෙ අත්අඩංගුවට
විශේෂ කාර්ය බලකාය සංවිධානාත්මක අපරාධ මර්ධන ඒකකය ii හි නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී නියෝජ්ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි සහකාර පොලිස් අධිකාරි (බුද්ධි/විශේෂ මෙහෙයුම්/ මත්ද්රව්ය නාශක හා සංවිධානාත්මක අපරාධ මර්ධන) සාගර කුලසේකර මහතාගේ අධීක්ෂණය මත සංවිධානාත්මක අපරාධ මර්ධන ඒකකය ii හි උප පොලිස් පරීක්ෂක ටි.එන්. ධර්මවර්ධන ඇතුළු නිලධාරීන් කණ්ඩායමක් විසින් 2023.04.06 වන දින කඩවත පොලිස් වසමේ කඩවත බස්නැවතුම්පොළ ඉදිරිපිට දී වැටලීමක් සිදුකර ඇත.
එහි දී සංවිධානාත්මක අපරාධ කරුවෙකු වන ගනේමුල්ල සංජීව නැමැත්තාගේ ප්රධානතම ගෝලයෙකු වන වැල්ලම්පිටිය ප්රදේශයේ පදිංචි වයස අවුරුදු 36ක් වන විද්දා යන අය වෑන් රථයකින් නීති විරෝධි මත්ද්රව්යක් වන හෙරොයින් ප්රවාහනය කරන බවට ලද තොරතුරට අදාලව කඩවත බස්නැවතුම්පොළ ඉදිරිපිටදී පරීක්ෂා කිරීමේ හොරෝයින් ග්රෑම් 24 මිලි ග්රෑම් 500 ක් සමග අත්අඩංගුවට ගෙන ඇති අතර, මොහු ත්රස්තවාදි ක්රියා හා මනුෂ ඝාතන තුනකට සම්බන්ධ නිතියෙ ඇසට වැලිගසමින් සැගව සිටි බවට අනාවරණය වී ඇත. එම වෑන් රථයේ රියදුරු ලෙස කටයුතු කල වැල්ලම්පිටිය ප්රදේශයේ පදිංචි වයස අවුරුදු 23ක් වන පුද්ගලයකු සන්තකයේ තිබි හෙරෝයින් ග්රෑම් 15 මිලි ග්රෑම් 300 ක් සමග අත්අඩංගුවට ගෙන වෑන් රථයද සමග වැඩිදුර විමර්ශන කටයුතු සඳහා කඩවත පොලිස් ස්ථානය වෙත භාර දී ඇත.
