ඩෙංගු බෝ කර­න්නන්ට තරා­ති­රම නොබලා නීතිය තදින්

මාස 6ට මරණ 24ක් – රෝගීන් 41,144ක්

ඩෙංගු වසං­ගත තත්ත්ව­යක් දක්වා වර්ධ­නය වීමේ අව­දා­නම අවම කර ගැනීම සඳහා ක්‍රියා­ත්මක කරන මදුරු කීට­යන් බෝ කරන පරිශ්‍ර හා නිවෙස් පරී­ක්ෂා­ව­න්හිදී කීට ගහන පරිශ්‍ර පව­ත්වා­ගෙන යන ඕනෑම අයෙ­කුට තරා­ති­රම නොබලා නීතිය දැඩිව ක්‍රියා­ත්මක කරන බව ශ්‍රී ලංකා මහ­ජන සෞඛ්‍ය පරි­ක්ෂ­ක­ව­රුන්ගේ සංග­මයේ උප සභා­පති කේ.පී.ඒ. බොර­ලැස්ස මහතා ‘දින­මිණ’ට ඊයේ (15) පැව­සීය.

මේ සම්බ­න්ධ­යෙන් දඩ මුදල රුපි­යල් 5000ත් 10,000ත් අතර වන බවත් බස්නා­හිර පළාතේ ඒ අව­ස්ථා­වේ­දීම දඩ අය­කර ගැනී­මට කට­යුතු කරන බවත් හෙතෙම කීවේය.

මදුරු කීට­යන් සහිත පරිශ්‍ර හා නිවාස පව­ත්වා­ගෙන යන අය සම්බ­න්ධ­යෙන් අධි­ක­ර­ණ­මය ක්‍රියා­මාර්ග ගැනීම මහ­ජන සෞඛ්‍ය පරී­ක්ෂ­ක­ව­රුන්ට පැව­රෙන බැවින් එවැනි පුද්ග­ල­යන් සම්බ­න්ධ­යෙන් තරා­ති­රම නොබලා අධි­ක­රණ ක්‍රියා­මාර්ග ගැනී­මට පිය­වර ගන්නා බවද හෙතෙම කීවේය.

මේ අතර ඩෙංගු වයි­රස් කාණ්ඩ 4න් ප්‍රබල කාණ්ඩ­යක් වන ඩෙංගු 2 (DENV-2) වයි­ර­සය මේ දින­වල බහුල වශ­යෙන් පැතිර කොළඹ, ගම්පහ, මහ­නු­වර, මාතර, රත්න­පුර, කළු­තර ඇතුළු දිස්ත්‍රික්ක 7කින් ඩෙංගු අධි අව­දා­නම් සෞඛ්‍ය වෛද්‍ය නිල­ධාරී කොට්ඨාස 89ක් සෞඛ්‍ය අංශ මඟින් හඳු­නා­ගෙන තිබේ.

මේ වසරේ ජන­වාරී සිට මේ දක්වා මෙර­ටින් ඩෙංගු රෝගීන් 41,144ක් වාර්තා වී ඇති අතර මරණ 24ක් වාර්තා වී තිබේ. ගිය වසරේ සමස්ත ඩෙංගු මරණ වාර්තා වී ඇත්තේ 29ක් වන අතර මේ මාස හයක කාලය තුළ පම­ණක් මරණ 24ක් වාර්තා වී තිබීම සැල­කිය යුතු තත්ත්ව­යක් බවට පත්ව ඇත. මේ මරණ අතර පාසල් සිසුන්ද 4ක් වෙති.

එමෙන්ම මේ මාසයේ ආර­ම්භයේ සිට මේ දක්වා දින 14ක් තුළදී පම­ණක් ඩෙංගු රෝගීන් 8591ක් වාර්තා වී තිබේ. පසු­ගිය මාසය පුරා­ව­ටම වාර්තා වී ඇති ඩෙංගු රෝගීන් සංඛ්‍යාව 8083කි.

ඩෙංගු ව්‍යාප්ත වීම මැඬ­පැ­වැ­ත්වී­මට අදා­ළව ගත යුතු කඩි­නම් ක්‍රියා­මාර්ග සම්බ­න්ධ­යෙන් විශේෂ සාක­ච්ඡා­වක් සෞඛ්‍ය අමා­ත්‍යාං­ශ­යේදී සෞඛ්‍ය හා ජන­මාධ්‍ය ඇමැති වෛද්‍ය නලින්ද ජය­තිස්ස මහ­තාගේ ප්‍රධා­න­ත්ව­යෙන් ඊයේ (15) පැවැති අතර ඩෙංගු ව්‍යාප්තිය හමුවේ දිස්ත්‍රික්ක 14ක් ගැන අමා­ත්‍යාං­ශයේ දැඩි අව­ධා­න­යට යොමු විය.

ප්‍රති­කාර සඳහා රෝහල් පද්ධ­තිය සූදා­නම් කිරීම, ඩෙංගු මදුරු මර්දන ක්ෂේත්‍ර වැඩ­ස­ට­හන් ක්‍රියා­ත්මක කිරීම සහ එම කට­යු­තු­වල ප්‍රග­තිය, ක්ෂේත්‍ර වැඩ­ස­ට­හන් ක්‍රියා­ත්මක කිරී­මේදී බල­පානු ලබන මූලික ගැටලු සහ බාධක, මෙම වැඩ­ස­ට­හන සඳහා ජනතා සහ­භා­ගි­ත්වය ලබා­ගැ­නීම, පළාත් පාලන ආය­තන, අනෙ­කුත් රාජ්‍ය ආය­තන හා ආර­ක්ෂක අංශ­වල දාය­ක­ත්වය ලබා ගැනීම ආදී කට­යුතු මෙන්ම ජන­තාව දැනු­වත් කිරීමේ වැඩ­ස­ට­හන් වැනි කරුණු පිළි­බඳ ඉතා මේ සාක­ච්ඡා­වේදී අව­ධා­නය යොමු කෙරිණි.

මෙහිදී සෞඛ්‍ය හා ජන­මාධ්‍ය අමා­ත්‍ය­ව­රයා මෙම ඩෙංගු මර්දන වැඩ­ස­ට­හන් ක්‍රියා­ශී­ලීව අඛ­ණ්ඩව පව­ත්වා­ගෙන යෑමේ වැද­ග­ත්කම අව­ධා­ර­ණය කළ අතර, ඒ සඳහා සකස් කර ඇති සියලු වැඩ­ස­ට­හන් වේග­වත් කරන ලෙසද නිල­ධා­රීන්ට උප­දෙස් ලබා දෙනු ලැබීය.

විශේ­ෂ­යෙන්ම මෙම වැඩ­ස­ට­හන් ක්‍රියා­ත්මක කිරී­මේදී ප්‍රජාව මූලික කර­ගෙන ප්‍රජා සංවි­ධා­න­වල දාය­ක­ත්වය ලබා ගැනීමේ වැද­ග­ත්කම අමා­ත්‍ය­ව­ර­යාගේ අව­ධා­න­යට යොමු විය.

එමෙන්ම ඩෙංගු රෝගය සම්පූ­ර්ණ­යෙන් මර්ද­නය කිරී­මට අදා­ළව ජාත්‍ය­න්තර අත්දැ­කීම් පාදක කර­ග­නි­මින් වැඩ­ස­ට­හ­නක් සකස් කිරීම පිළි­බ­ඳ­වත් අමා­ත්‍ය­ව­රයා මෙහිදී නිල­ධා­රීන් සමඟ කරුණු සාකච්ඡා කළ අතර ඊට අදාළ ඉදිරි ක්‍රියා­මාර්ග ගැනී­මට හා  සැල­සුම් සකස් කිරී­මට පිය­වර ගන්නා ලෙසද නිල­ධා­රීන්ට උප­දෙස් දෙනු ලැබිණි.

වසං­ග­ත­යක් බවට පත්වෙ­මින් තිබෙන ඩෙංගු රෝගය නිහඬ මාර­යෙකු ලෙස සමස්ත සමා­ජ­යම ගොදුරු කර ගනි­මින් සිටින මෙවැනි වක­වා­නු­වක ඩෙංගු මදුරු මර්ද­න­යට සිය­ලු­දෙ­නා­ගේම අව­ධා­නය යොමු වීම ඉතාම වැද­ගත් බව මේ අතර සෞඛ්‍ය අංශ අව­ධා­ර­ණය කරයි.

එහි එක් පිය­ව­රක් ලෙස රාජ්‍ය පරි­පා­ලන, පළාත් සභා සහ පළාත් පාලන අමා­ත්‍යාං­ශයේ සංවි­ධා­න­යෙන් සෞඛ්‍ය අමා­ත්‍යාං­ශය ඇතුළු සෙසු අමා­ත්‍යාංශ සමඟ එක්ව ඊයේ (15) සිට 20 වැනිදා දක්වා ඩෙංගු මදුරු මර්දන සති­යක් ප්‍රකා­ශ­යට පත් කර තිබේ. මීට පෙරද තවත් දින තුනක ඩෙංගු මර්දන වැඩ­ස­ට­හ­නක් සෞඛ්‍ය අමා­ත්‍යාං­ශය මඟින් ක්‍රියා­ත්මක කර තිබිණි.

මේ අනුව ඊයේ අද සහ හෙට දින­වල දින­ය­න්හිදී පොදු ස්ථාන පිරි­සුදු කිරීම ද, 18 වැනිදා පාසල් පද්ධ­තිය පිරි­සුදු කිරීම ද, 19 වැනිදා රාජ්‍ය හා පෞද්ග­ලික ආය­තන පිරි­සුදු කිරීම ද, 20 වැනිදා නිවාස පිරි­සුදු කිරී­මද සිදු කෙරේ. රට පුරා සේවයේ යෙදී සිටින මහ­ජන සෞඛ්‍ය පරී­ක්ෂ­ක­රු­වන් 2400 කගේ පමණ සහය මේ සඳහා ලබාදී ඇත.

මේ දින­වල රට පුරා ඩෙංගු රෝගීන්ගේ සංඛ්‍යාව ඉහළ යමින් පව­තින අතර රෝහල් වාට්ටු රෝගී­න්ගෙන් පිරී යමින් තිබේ. පාසල් සිසු­වාගේ සිට වැඩි­හි­ටි­යන් දක්වා සියලු වයස් කාණ්ඩ­වල පුද්ග­ල­යන් ඩෙංගු රෝග­යට ගොදුරු වෙමින් සිටියි.

උණ, හිස­ර­දය, ඇස් පිටු­පස වේද­නාව, ඇඟ­පත කැක්කුම වැනි රෝග ලක්ෂණ සමඟ ආරම්භ වන මෙම රෝගය, ප්‍රති­කාර ප්‍රමාද වුව­හොත් ජීවි­ත­යට පවා තර්ජ­න­යක් විය හැකිය. මේ වන විට රට පුරා ප්‍රදේ­ශ­ව­ලින් ඩෙංගු රෝගීන් 41,144ක් වාර්තා වී ඇති අතර මරණ 24ක් වාර්තා වී තිබේ. මේ මාසයේ ආර­ම්භයේ සිට මේ දක්වා දින 14ක් තුළදී ඩෙංගු රෝගීන් 8591ක් වාර්තා වී තිබේ. මින් පෙර සති­යට ඩෙංගු රෝගීන් 150ක් 200ක් අතර වාර්තා වන නමුත් මෙවර දින­කට රෝගීන් 750ක් පමණ රට පුරා වාර්තා වේ. මේ නිසා රෝහල් ධාරි­තාව ඉක්ම­වන පරිදි රෝගීන් වර්ධ­නය වී ඇතැ­යිද සෞඛ්‍ය අංශ පව­සයි.සෞඛ්‍ය අංශ පෙන්වා දෙන ආකා­ර­යට නිවාස වටා එකතු වන ජලය ඩෙංගු මදු­රු­වන් බෝවී­මට ප්‍රධාන හේතුව වේ. භාවි­ත­යෙන් ඉවත් කළ ටයර්, පොල් කටු, හිස් බෝතල්, මල් පෝච්චි සහ වැසි ජලය රැඳෙන ඕනෑම භාජ­න­යක් මදු­රු­වන්ගේ තවා­නක් බවට පත්විය හැකිය.

උපුටා ගැනීම – දිනමිණ