මෙවර ජනාධිපතිවරණයට අදාළ තැපැල් ඡන්ද සලකුණු කිරීමේ කටයුතු අදින් (04) ආරම්භ වීමට නියමිතයි.
දිස්ත්‍රික් ලේකම් කාර්යාල, මැතිවරණ කොමිශන් සභාවේ කාර්යාල, ජ්‍යෙෂ්ඨ සහ නියෝජ්‍ය පොලිස්පති කාර්යාල, පොලිස් අධිකාරී සහ සහකාර පොලිස් අධිකාරී කාර්යාල, පොලිස් ස්ථාන, විශේෂ කාර්ය බළකා කඳවුරු, විශේෂ පොලිස් ඒකක සහ ප්‍රභූ ආරක්ෂක කොට්ඨාසය යන ස්ථානවල සේවය කරන කාර්ය මණ්ඩලවලට තැපැල් ඡන්ද සලකුණු කිරීමේ අවස්ථාව හිමිවන බව මැතිවරණ කොමිෂන් සභාව පවසනවා.
ඒ අනුව මෙවර ජනාධිපතිවරණය සඳහා වැඩිම තැපැල් ඡන්ද දායකයින් සංඛ්‍යාවක් වන 76,977ක් කුරුණෑගල දිස්ත්‍රික්කයෙන් සුදුසුකම් ලබා සිටිනවා.
අවම තැපැල් ඡන්ද දායකයින් සංඛ්‍යාවක් වන 3,566 දෙනෙකු මුලතිව් දිස්ත්‍රික්කයෙන් සුදුසුකම් ලබා ඇති බව සඳහන්.
කොළඹ දිස්ත්‍රික්කයෙන් තැපැල් ඡන්ද භාවිත කිරීමට සුදුසුකම් ලබා ඇති ඇති ඡන්ද දායකයින් සංඛ්‍යාව 35,636ක් බව මැතිවරණ කොමිෂන් සභාව පවසනවා.
