යුක්තිය මෙහෙයුම අවසන් කරන දවස ගැන පොලිස්පතිගෙන් ප්‍රකාශයක්

රට තුළ මත්ද්‍රව්‍ය සහ පාතාලය අවසන් වන තෙක්ම යුක්තිය මෙහෙයුම අඛණ්ඩව ක්‍රියාත්මක කරන බව පොලිස්පති දේශබන්දු තෙන්නකෝන් මහතා පවසනවා.

ඊයේ (29) ගාල්ලේ දී මාධ්‍ය වෙත අදහස් දක්වමින් පොලිස්පතිවරයා මේ බව පැවසුවා.

“මේ රටේ මත්ද්‍රව්‍ය සහ පාතාලය ඉවරයි කියලා මේ රටේ මහජනතාවට හැඟෙන දවසට තමයි මේක අවසන් කරන්නේ.. එතෙක් අපිට මේක කරන්ඩ වෙනවා. හේතුව බාගෙට කරලා ඉවරවෙලා ආපසු අතහැරියොත් මේක තිබූ තැනට වැටෙන්න වැඩි දවසක් යන්නෑ.. ඒ ගැන හොඳ අවබෝධයක් අපිට තියෙනවා.”