යුක්ති ට මාස 02 යි. බස්නාහිර පළාතේ විශේෂ සෝදිසි මෙහෙයුමක්.

2023.12.17 දිනෙන් ආරම්භ කර දිවයින පුරා ක්‍රියාත්මක වන යුක්ති මෙහෙයුමට සමගාමීව වැඩබලන පොලිස්පති දේශබන්දු තෙන්නකෝන් මහතාගේ උපදෙස් පරිදි ඊයේ (18) අළුයම බස්නාහිර පළාතේ සියලුම පොලිස් වසම් ආවරණය වන පරිදි විශේෂ සෝදිසි මෙහෙයුමක් සිදු කළා.

මෙහිදි බස්නාහිර පළාතේ සියලුම පොලිස් බල ප්‍රදේශ ආවරණය වන පරිදි සෝදිසි මෙහෙයුම් දියත් කර ඇති අතර, මත්ද්‍රව්‍ය ජාවාරම්කරුවන් සහ මත්ද්‍රව්‍ය වලට ඇබ්බැහිවුවන් අත්අඩංගුවට ගැනීමට විශේෂ අවධානයක් යොමු කළ බවයි පොලිසිය පැවසුවේ.

මෙම සෝදිසි මෙහෙයුම සදහා පොලිස් නිළධාරීන් 2,253 ක්, ත්‍රිවිද හමුදා නිළධාරීන් 1,112 ක් සහ පොලිස් විශේෂ කාර්ය බලකා නිළධාරීන් 219 ක් යොදවා තිබෙනවා.

එසේම, මෙහෙයුමේදී පුද්ගලයින් 1,061 දෙනෙකු අත්අඩංගුවට ගෙන ඇති අතර, වාහන 11 ක් සහ අපරාධ වලට අවශ්‍ය කරන සැකකරුවන් 05 දෙනෙකුද අත්අඩංගුවට ගත් බව සඳහන්.

මේ අතර නිවාස සෝදිසි කිරීම් වලදී කඩු 06, මන්නා 01, කිනිසි 01, තහනම් පිහි 02 ක් අත්අඩංගුවට ගෙන ඇති අතර, පහත දක්වා ඇති පරිදි මත්ද්‍රව්‍ය ප්‍රමාණයන් සොයා ගත් බව පොලිසිය වැඩිදුරටත් සඳහන් කළා.

හෙරොයින් 322g
අයිස් 111g
ගංජා 160 g
ඈෂ් 13g
නීති විරෝධී මත්පැන් 21,750ml
නීතිවිරෝධී සිගරට් 855