DAT දීමනාව ලබා නොදීමට එරෙහිව රජයේ වෛද්ය නිලධාරීන්ගේ සංගමය විසින් හෙට (24) සිට දීපව්යාප්තව ක්රියාත්මක කිරීමට සැලසුම් කර තිබූ වෘත්තීය සමිති ක්රියාමාර්ගය වහාම ක්රියාත්මක වන පරිදි අත්හිටුවීමට එම සංගමය තීරණය කර තිබෙනවා.
විධායක සභව විසින් ඒකමතිකව එම තීරණයට පැමිණ බව එම සංගමය දැනුම්දෙනවා.
එම නිවේදනය පහතින්,
වෘත්තීය සමිති ක්රියාමාර්ගය අත්හිටුවීම
සෞඛ්ය සේවා අධ්යක්ෂක ජෙනරාල්වරයා විසින් වෛද්යවරුන්ගේ DAT දීමනාව ජනවාරි මස වැටුප සමග ගෙවීම තාවකාලිකව අත්හිටුවමින් නිකුත් කළ ලිපිය වහාම ක්රියාත්මක වන පරිදි අවලංගු කරමින් සෞඛ්ය ආයතන ප්රධානීන් වෙත ලිඛිත දැනුම් දීමක් මීට ස්වල්ප වේලාවකට පෙර නිකුත් කරන ලදි.
එමෙන්ම ජනවාරි මාසය සඳහා සාමාන්ය වැටුප් ලේඛනය මගින් DAT දීමනාව නොලැබෙන වෛද්යවරුන් සඳහා අදාළ දීමනාව විශේෂ වවුචරයක් මගින් ගෙවන ලෙස ආයතන ප්රධානීන් වෙත නියෝග කර ඇත.
ඒ අනුව හෙට දින උදෑසන අටේ සිට ආරම්භවීමට නියමිතව තිබූ රජයේ වෛද්ය නිලධාරීන්ගේ සංගමය විසින් ප්රකාශයට පත් කළ දීප ව්යාප්ත වැඩ වර්ජන ක්රියාමාර්ගය වහාම ක්රියාත්මක වන පරිදි අත්හිටුවීමට විධායක සභාව විසින් ඒකමතිකව තීරණය කරන ලදී.
මුදල් අමාත්යාංශයේ ඇතැම් නිලධාරීන්ගේ අත්තනෝමතික හැසිරීම පරාජයට පත් කරමින් වෛද්යවරුන්ට ලැබිය යුතු සාධාරණය ඉටු කිරීමට මැදිහත් වූ ජනාධිපතිවරයා ඇතුළු බලධාරීන්ට කෘතඥතාවය පළ කරමු.
ස්තුතියි
ලේකම්
රජයේ වෛද්ය නිලධාරීන්ගේ සංගමය
