වෛද්‍යවරුන් සඳහා ලබෑ දුන් රුපියල් 35,000ක දීමනාව තමන්ට ද ලබා දෙන ලෙස සෞඛ්‍ය වෘත්තිකයන් රැසක් ආරම්භ කළ සංඛේත වැඩවර්ජනය අද උදෑසනින් අවසන් වීමට නියමිතයි.
පසුගිය අගහරුවාදා දිනයේ පරිපූරක වෛද්‍ය වෘත්තීයවේදීන් මෙම වෘත්තිය ක්‍රියාමාර්ගය ආරම්භ කළා.
මහජන සෞඛ්‍ය පරීක්ෂකවරුන්, පාසල් දන්ත චිකිත්සකයින්, ඖෂධ සංයෝජකවරුන්, ECG ශිල්පීන් ඇතුළු සෞඛ්‍ය වෘත්තිකයින් රැසක් නියෝජනය කරමින් මෙම වැඩ වර්ජනය පැවැත්වුණා.
කෙස්වෙතත් තම ගැටලුවලට මෙතෙක් සාධනීය විසඳුමක් රජයේ පාර්ශවයෙන් නොලැබුණු බවයි අදාළ වෘත්තීය සමිති පෙන්වා දෙන්නේ.
ගැටලුව විසදීම සඳහා ජනාධිපතිවරයා මැදිහත් නොවන්නේ නම් ඉදිරියේදී යළිත් වෘත්තීය ක්‍රියාමාර්ග වෙත යොමුවන බවයි සෞඛ්‍ය සේවා වෘත්තීය සමිති සන්ධානයේ කැදවුම්කරු රවී කුමුදේශ් මහතා ප්‍රකාශ කළේ.