මතුගමට කාන්තා බලමුළුවක් පිහිටුවීමේ පළමු වෙඩි මුරය මාධ්‍යවේදී ශ්‍රීපාල්ගෙන්..

ශ්‍රී ලංකා නිදහස් පක්ෂ නායක හිටපු ජනාධිපති මෛත්‍රීපාල සිරිසේන මහතාගේ සංකල්පයකට අනුව ක්‍රියාත්මක,නව පක්ෂ ප්‍රතිසංවිධාන වැඩසටහන යටතේ මතුගම ආසන සංවිධායක (සම) ජ්‍යෙෂ්ඨ මාධ්‍යවේදී ශ්‍රීපාල් වන්නිආරච්චි මහතා විසින්,මතුගම ආසන කාන්තා බලමණ්ඩලය පිහිටුවීම පසුගියදා, මතුගම නෑබඩ පාරේ පිහිටි ශ්‍රී ලංකා නිදහස් පක්ෂ ප්‍රධාන සංවිධායක කාර්යාලයේදී සිදු කෙරුනි.

ඒ පක්ෂයේ වැඩ බලන මහ ලේකම් පාර්ලිමේන්තු මන්ත්‍රී නීතිඥ සාරතී දුෂ්මන්ත මිත්‍රපාල මහතාගේ ප්‍රධානත්වයෙනුයි.

මධ්‍යම කාරක සභික ආචාර්ය චමිල ලියනගේ,හොරණ ප්‍රධාන සංවිධායක රවින්ද්‍ර ශ්‍රී සුරංජ,මතුගම සම සංවිධායක කීර්ති ජයසිංහ යන මහත්වරුන් මෙන්ම සමස්ත ලංකා නිදහස් කාන්තා පෙරමුණේ ලේකම් අරුන්දතී ජයකොඩි සහ පරිපාලන ලේකම් කුමාරි පතිරගේ යන මහත්මීන් ඇතුලු,කොට්ඨාස නායක නායිකාවන් රැසක්ද මීට එක් වුනි.

මෙහිදී මතුගම ආසනයේ නව කොට්ඨාස නායිකාවන් කිහිප දෙනෙකුට පත්වීම් ලබා දීමද සිදුවිය.

පක්ෂයේ වැඩ බලන මහ ලේකම් සාරතී දුෂ්මන්ත මිත්‍රපාල මහතා පැසුවේ,අද රටේ ජනතාව විදින පීඩා දෙස බැලීමේදී,කාන්තාව දේශපාලනයට පිවිසීමේ හොදම කාලය මෙය බවයි.

සීනි මිළ විමසීමේදී ඇගේ සීනි වැඩිවන තත්වයකට රට පත්ව ඇති බවත්, පක්ෂයේ ප්‍රතිපත්තිය අනුව ග්‍රාමීය කාන්තාව බල ගන්වනු ලබන්නේ, ඇයට ඉහලම තැනක් ලබා දීමේ අරමුණින් බවයි.

⁣මෙහිදී ශ්‍රී ලංකා නිදහස් පක්ෂ මතුගම ආසන සංවිධායක,නිදහස් පක්ෂ මාධ්‍ය කමිටු සාමාජික හා ශ්‍රී ලංකා නිදහස් වෘත්තීය වේදීන්ගේ සංවිධානයේ කලුතර දිස්ත්‍රික් උප ලේකම්, ජ්‍යෙෂ්ඨ මාධ්‍යවේදී ආචාර්ය ශ්‍රීපාල් වන්නිආරච්චි මහතාද අදහස් පල කලා.

ඔහු පැවසුවේ කාන්තාවට හිමි තැන ලබාදුන් එකම නායකයා හිටපු ජනාධිපති මෛත්‍රීපාල සිරිසේන මහතා බවයි.

මතුගම ආසන කාන්තා බලමණ්ඩලය පිහිටුවීම හරහා ගම් මට්ටමින් කාන්තා බල මුළුවක් නිර්මාණය කර, ග්‍රාමීය කාන්තාවට ස්ව ශක්තියෙන් නැගී සිටීමට හැකි පරිසරය නිර්මාණය කරන බවද ශ්‍රීපාල් වන්නිආරච්චි මහතා පෙන්වා දුන්නා.

සමස්ත ලංකා නිදහස් කාන්තා පෙරමුණේ පරිපාලන ලේකම් කුමාරි පතිරගේ මහත්මියද අදහස් දැක් වූ අතර ඇය පැවසුවේ, කාන්තා නියෝජනය සියයට පනහ දක්වා වැඩිකල යුතු බවයි.

මෙහිදී කාන්තා බලමණ්ඩලය පිහිට වූ අතර, උපාධිධාරී ගුරුවරියන්,සමාජ සේවිකාවන්,සමිති සමාගම්වල නායිකාවන් තනතුරු සදහා ඒකච්ඡන්දයෙන් තේරී පත්වීම විශේෂ ලක්ෂණයක් විය.

කාන්තා බලමණ්ඩලය පිහිටුවීමට සමගාමීව මතුගම ආසනයේ කොට්ඨාස කීපයක් සදහා නායිකාවන් පත් කිරීමද සිදුවිය.

මතුගම ආසන කළමණාකාරිනී තේජානි ෂෙහානා මෙණවිය,මතුගම ආසන තරුණ පෙරමුණ හා ශ්‍රී ප්‍රජා සංවර්ධන පදනමේ සාමාජික සාමාජිකාවන් රැසක්ද මීට එක් වුනි.

ශ්‍රී ප්‍රජා සංවර්ධන පදනමේ නර්ථන කණ්ඩායම් උත්සවය වර්ණවත් කිරීම තවත් කැපී පෙනෙන ලක්ෂණයක් විය.