හිටපු ජනාධිපති ගෝඨාභය රාජපක්ෂ, මහින්ද රාජපක්ෂ සහ බැසිල් රාජපක්ෂ ඇතුළු වගඋත්තරකරුවන්ගේ වැරදි ආර්ථික කළමණාකරණ තීරණ හේතුවෙන් ජනතාවගේ මූලික අයිතිවාසිකම් කඩවී ඇති බව ශ්රේෂ්ඨාධිකරණය තීරණය කර තිබෙනවා.
ඒ 2019 සහ 2022 කාලය තෙක් ගත් වැරදි අර්ථික කළමණාකරණ තීරණ හේතුවෙන්.
ඒ අනුව හිටපු මහ බැංකු අධිපතිවරුන් වන අජිත් නිවාඩ් කබ්රාල්, මහාචාර්ය ඩබ්ලිව්.ඩී.ලක්ෂ්මන්, මුදල් අමාත්යාංශයේ හිටපු ලේකම් එස්.ආර්.ආටිගල, හිටපු ජනාධිපති ලේකම් පී.බී.ජයසුන්දර, ශ්රී ලංකා මහ බැංකුවේ මූල්ය මණ්ඩලයේ සාමාජිකයින් යන පිරිස ද මූලික මිනිස් අයිතිවාසිකම් උල්ලංඝනය කර ඇති බවයි අධිකරණය තීන්දු කර ඇත්තේ.
වත්මන් ආර්ථික අර්බුදයට වගකිවයුතු පුද්ගලයින් සම්බන්ධයෙන් විමර්ශනයක් සිදුකරන ලෙස නියෝග කරන මෙන් ඉල්ලා ශ්රී ලංකා වාණිජ මණ්ඩලයේ හිටපු සභාපති චන්ද්රා ජයරත්න ඇතුළු පිරිසක් මෙම මූලික අයිතිවාසිකම් පෙත්සම් ගොනුකර තිබුණා.
