ප්රබල අකුණු පිළිබඳ අවවාදාත්මක නිවේදනයක් කලගුණ විද්යා දෙපාර්තමේන්තුව විසින් නිකුත් කර තිබෙනවා.
ඒ අද (09) රාත්රී 11.30 දක්වා වලංගු වන පරිදියි.
උතුරු, උතුරුමැද, නැගෙනහිර සහ මධ්යම පළාත්වලත් බදුල්ල දිස්ත්රික්කවලත් සවස් කාලයේ දී හෝ රාත්රී කාලයේ දී තැනින් තැන ගිගුරුම් සහිත වැසි සමග ප්රබල අකුණු ඇතිවීමේ වැඩි හැකියාවක් පවතින බැවින් විමසිලිමත් වන ලෙස එම දෙපාර්තමේන්තුව ජනතාවට දැනුම්දෙනවා.
ගිඟුරුම් සහිත වැසි ඇති වනවිට එම ප්රදේශවල තාවකාලිකව තද සුළං ඇතිවිය හැකියි.
අකුණු මඟින් අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටිනවා.
