පොලීසියේ T56 අරන් දඩයමේ ගිහින්

පොලිසියට නිකුත් කල T 56. ගිනි අවියක් දඩයමේ යැවු පොලිස් සැරයන් වරයකු සමග වන සතුන් දඩයමේ ගිය දෙදෙනෙකු වහල් කඩ පොලිසි මගින් අත් අඩංගුවට ගෙන ඇති බව වාර්තා වෙනවා.

T56 ගිනි අවියක් භාවිතා කර කැබිතිගොල්ලෑව වාහල්කඩ පොලිස් වසමේ ඉස්සන්නෑව ප්‍රදේශයේ වන සතුන් දඩයමට සිදුවෙන බවට ලබා දුන් තොරතුරකට අනුව වාහල්කඩ පොලීසිය විසින් ඉස්සන්නෑව ප්‍රදේශයේ සිදුකළ හදිසි වැටලීමකින් T.56 ගිනි අව්යක් සමග දෙදෙනෙකු අත්අඩංගුවට ගෙන තිබෙනවා.

මෙලෙස අත්අඩංගුවට පත්ව ඇත්තේ වයස අවුරුදු 49,50 යන වයස්වල පසුවන හොරොව්පොතාන සහ කහටගස්දිගිලිය ප්‍රදේශයේ පදිංචිකරුවන් දෙදෙනෙක්.

කල ප්‍රස්න කිරිම් වලින් කන්තලේ පොලිස් කොට්ඨාසයේ මොරවැව පොලිස් ස්ථානයට අනියුක්තව රොටවැව පොලිස් මුරපොළේ සේවයේ නියුතු සාජන්වරයෙකු තමන් වෙත ගිනි අවිය ලබා දුන් බව ඔවුන් පාපොච්චාරණය කර තිබෙනවා.

අනාවරණය කරගත් තොරතුරු මත ගිනි අවිය ලබාදුන් පොලිස් සැරයන්වරයා ද වාහල්කඩ පොලිසිය මගින් අත්අඩංගුවට ගෙන ඇති බවයි වාර්තා වන්නේ.

සැකකරුවන් තිදෙනා සමග T56 අවියක්, අවියේ පතුරම් ගැබ් සහිත උන්ඩ 29 ක් සමග අගල් 09 ක් දිග උල් පිහියක්ද අත්අඩංගුවට ගත් බව කල විමසීමකදී වාහල්කඩ උසස් පොලිස් නිළධාරියකු පැවසුවා.

වාහල්කඩ පොලීසිය විසින් වැඩිදුර විමර්ශන සිදුකරයි.