මෙගා පොලිස් හෙවත් මහ නගර සංවර්ධන සැලැස්ම ක්රියාත්මක කිරීම සඳහා ක්රියාකාරී සැලැස්මක් සකස් කිරීමට නාගරික සංවර්ධන අධිකාරිය පියවර ගෙන තිබෙන බව වාර්තා වෙනවා.
එම සැලැස්ම යළි ක්රියාවට නංවන්නැයි ජනාධිපතිවරයා දුන් උපදෙස් මත එම පියවර ගත් බව එහි අධ්යක්ෂ ජනරාල්වරයා සඳහන් කළා.
සිංගප්පූරු සමාගමක උපදේශකත්වයෙන් මෙම ක්රියාකාරී සැලැස්ම හා මාර්ගෝපදේශ සකස් කරන බවට තොරතුරු වාර්තා වෙනවා.
මෙගා පොලිස් හෙවත් මහ නගර සංවර්ධන සැලැස්මක් සකස් කරනු ලැබුවේ 2015 වසරේදී ය.
ඒ යටතේ කොළඹ දිස්ත්රික්කය කේන්ද්ර කර ගනිමින් බස්නාහිර පළාත, ත්රිකුණාමලය දිස්ත්රික්කය කේන්ද්ර කරගනිමින් නැගෙනහිර පළාත , හම්බන්තොට දිස්ත්රික්කය හා යාපනය දිස්ත්රික්කයේ මහා නගර සැලැස්ම ක්රියාත්මක කිරීමට යෝජනා කර තිබුණි.
කෙසේ වෙතත් පසුව එම සැලැස්ම ක්රියාවට නැන්වූයේ නැහැ.
ජනාධිපති රනිල් වික්රමසිංහ මහතා පසුගියදා උපදෙස් දී ඇත්තේ, අදාළ මහා නගර සැලැස්ම යළිත් ක්රියාත්මක කිරීමට පියවර ගන්නා ලෙසයි.
