බිහිසුණු ඔඩීසා අනතුර සම්බන්ධයෙන් නිලධාරීන් තිදෙනෙක් අත්අඩංගුවට

පුද්ගලයින් 292කට මරු කැඳවමින් ඉන්දියාවේ ඔඩීසා ප්‍රාන්තයේ සිදුවු දුම්රිය අනතුර සම්බන්ධයෙන් ඉන්දීය දුම්රිය දෙපාර්තමේන්තුවේ ඉංජිනේරුවන් දෙදෙනෙක් සහ කාර්මික ශිල්පියෙක් අත්අඩංගුවට ගෙන තිබෙනවා.

ඒ අනතුර සම්බන්ධයෙන් සිදු කරන විශේෂ විමර්ශනවලදී යි.

පසුගිය ජූනි දෙවැනි දා රාත්‍රීයේ සීග්‍රගාමී මගී දුම්රියක් ඇතුළු තවත් දුම්රිය දෙකක් එකිනෙක ගැටීමෙන් මෙම දුම්රිය අනතුර සිදුවුණා.

ඉන්දියාවේ, සියවසේ සිදුවූ දරුණුතම දුම්රිය අනතුර ලෙස සැලකෙන එම අනතුරට දුම්රිය සංඥා පද්ධතියේ සිදුවූ දෝෂයක් හේතුව බව අනාවරණය වුණා.

ඒ අනුව දුම්රිය අනතුර සම්බන්ධයෙන ඉන්දීය රජය විශේෂ විමර්ශනයක් ආරම්භ කර සිටියා.

විමර්ශන කටයුතු තවදුරටත් ක්‍රියාත්මක යි.