“අස්වැසුම” ප්රතිලාභ නාම ලේඛනයේ නම ඇතුළත් වී නොමැති පිරිස ජූලි 10 වනදාට පෙර අභියාචනා ඉදිරිපත් කරන ලෙස රජය දැනුම් දෙනවා.
අද (27) ජනාධිපති මාධ්ය කේන්ද්රයේ සාකච්ඡාවකට එක්වෙමින් මුදල් රාජ්ය අමාත්ය ෂෙහාන් සේමසිංහ මහතා මේ බව පැවසුවා.
විවිධ දේශපාලන කණ්ඩායම්වල බලපෑම්වලට හසු නොවී “අස්වැසුම” ප්රතිලාභී නාම ලේඛනයට නම ඇතුළත් වී නැති සියලු අයදුම්කරුවන් ජූලි 10වනදාට පෙර අභියාචනා ඉදිරිපත් කරන ලෙසත්, අභියාචනා කාල සීමාව අවසන් වීමෙන් පසු සුදුස්සන් තෝරා ගැනීමේ අවසන් ලේඛනය සකස් කරන බවත් මුදල් රාජ්ය අමාත්වරයා සඳහන් කළා.
ප්රසිද්ධියට පත් කර ඇති නාම ලේඛනය කිසිසේත්ම අවසන් නාම ලේඛනය නොවන බවද අමාත්යවරයා පවසනවා.