දේශීය ණය ප්‍රශස්තිකරණය වැඩපිළිවෙළ ක්‍රියාත්මක කිරීම සඳහා යම් කිසි කාලපරාසයක් අවශ්‍ය වන බැවින් එක දිගට දින කිහිපයක නිවාඩු අවශ්‍යතාව මත ජූනි 30 වනදා ද විශේෂ බැංකු නිවාඩුවක් ලෙස නම් කිරීමට තීරණය කළ බව මහබැංකු අධිපති නන්දලාල් වීරසිංහ මහතා පවසනවා.
30වනදා විශේෂ බැංකු නිවාඩු දිනයක් ලෙස නම් කිරීමට හේතුවූ කාරණය සම්බන්ධයෙන් මාධ්‍ය වෙත අදහස් දක්වමින් ඒ මහතා මේ බව පැවසුවා.
රජය සහ මුදල් අමාත්‍යාංශය සාකච්ඡා කර එම තීරණය ගත් බවයි ඒ මහතා පැවසුවේ.
ඔන්ලයින් ඇතුළු අනෙකුත් බැංකු ගණුදෙණු සඳහා එදින බාධාවක් සිදු නොවන බව ඒ මහතා වැඩිදුරටත් සඳහන් කළා.