පොසොන් පුර පසළොස්වක පොහෝ දිනය අදට (03) යෙදී තිබෙනවා.
ධර්මාශෝක මහ රජුගේ පුත් අනුබුදු මිහිඳු මහරහතන් වහන්සේ ප්රමුඛ ධර්ම දූත පිරිස දඹදිව් තලයේ සිට මිහින්තලය පුදබිමේ මිස්සක පව්වට වැඩමකරවූයේ අද වැනි පොසොන් පුන් පොහෝ දිනකයි.
ඒ බුද්ධ වර්ෂ 236 දී යි.
දඩයමේ යමින් සිටි දේවානම්පියතිස්ස රජතුමා ඇතුළු පිරිවර තිසරණ සහිත පංච ශීලයේ පිහිටුවා ධර්මය දේශනා කරමින් සම්බුද්ධ ශාසනය ලක්දිව තුළ පිහිටුවූයේ අනුබුදු මිහිඳු මහ රහතන් වහන්සේගේ මූලිකත්වයෙනි.
මෙවර පොසොන් පොහෝ දිනය නිමිත්තෙන් අනුරාධපුරය මිහින්තලා පුදබිම, තන්තිරිමලය ඇතුළු පූජනීය ස්ථානයන්හි දාන ,ශීල , භාවනාවන්ට මුල්තැන දෙමින් විවිධ වැඩසටහන් රැසක් සංවිධානය කර තිබේ.
ශ්රී ලාංකිකයන්ට වඩාත් සුවිශේෂී පොහොයක් වන පොසොන් පුර පසළොස්වක පොහොය ආමිස හා ප්රතිපත්ති පූජාවන්ට මූලිකත්වය දෙමින් රට පුරා බෞද්ධ ජනතාව මහත් හරසරින් සමරණු ලබයි.
