කැනේඩියානු මහ කොමසාරිස් එරික් වොල්ෆ් මහතා විදේශ කටයුතු අමාත්ය අලි සබ්රි මහතා විසින් විදේශ කටයුතු අමාත්යාංශය වෙත කැඳවා තිබෙනවා.
ඒ කැනේඩියානු අග්රාමාත්ය විසින් ජන සංහාරයක් පිළිබඳව ශ්රී ලංකාවට කර ඇති චෝදනාව සම්බන්ධයෙන් කරණු විමසීම සඳහායි.
එහිදී කැනේඩියානු අගමැති ජස්ටින් ටෘඩෝ විසින් කර ඇති එම ප්රකාශය අමාත්යවරයා විසින් හෙළා දැක තිබේ.
එමෙන්ම එම මතභේදාත්මක ප්රකාශය කැනඩාවේ අභ්යන්තර දේශපාන අවශ්යතා වෙනුවෙන් නිකුත් කළ මතභේදාත්මක ප්රකාශයක් බවත් අමාත්යවරයා මෙහිදී ප්රකාශ කර ඇත.
දශක තුනක් මුළුල්ලේ පැවති ත්රස්වාදී යුධ ගැටුම් අතර සිදු වූවා යැයි කියන ‘ ජන සංහාරය’ පිළිබඳ චෝදනාව ශ්රී ලංකාව තරයේ හෙළා දකින බව අමාත්යවරයා පවසා ඇත.
‘ජන සංහාරයක්’ ශ්රී ලංකාව සිදු කළ බවට අත්තනෝමතික සාවද්ය චෝදනා මෙහෙයවන්නේ , ඩයස්පෝරාවේ සිටින බෙදුම්වාදී න්යාය පත්රයක් සහිත දේශපාලන වශයෙන් පොළඹවන ශ්රී ලංකා විරෝධි සුළුතරයක් බව අලි සබ්රි අමාත්යවරයා මෙහිදී අවධාරණය කර තිබේ.
කැනඩාවේ දිගුකාලීන ද්විපාර්ශ්වික හවුල්කරුවකු වන ශ්රී ලංකාව, කැනේඩියානු රජයේ සහයෝගය මෙරටට ලබාදෙන ලෙස ඉල්ලා සිටින අතර, අන්තර්ග්රහණීය සංවර්ධනය සහ තිරසාර සාමය පිළිබඳ අපගේ පොදු අරමුණු සාක්ෂාත් කර ගැනීම සඳහා කටයුතු කිරීමේ දී, කැනඩාවේ සිටින ශ්රී ලාංකික සම්භවයක් සහිත ප්රජාව ඒ සඳහා ඵලදායි ලෙස සම්බන්ධ කර ගන්නා අතරතුර, දෙරටේ අන්යොන්ය සහයෝගීතාව වර්ධනය වන ආකාරයේ සබඳතා පවත්වන ලෙස මෙහිදී කැනඩව දිරිමත් කර තිබේ.
