මිනුවන්ගොඩ පෞද්ගලික පාසලක තරුණ ගුරුවරියක් පාසලට ගෙන්වා ලිංගික අතවර සිදු කිරීමේ චෝදනාව මත එම විදුහලේ විදුහල්පතිවරයා අත්අඩංගුවට ගෙන තිබේ.
විදුහල වසා තිබුණු ඊයේ (17) දින විශේෂ රාජකාරි කටයුත්තක් සඳහා යැයි පවසමින් විදුහල්පතිවරයා විසින් 22 හැවරිදි ගුරුවරිය පාසල වෙත කැඳවා ගෙන ඇත.
ආදාළ ගුරුවරිය ලවා එම රාජකාරි කටයුත්ත කර ගැනීමෙන් අනතුරුව ඇය ඊයේ පස්වරුවේ පාසලින් පිටව යෑමට සුදානම් වූ අවස්ථාවේ සැකකාර විදුහල්පතිවරවා විසින් එම ගුරුවරිය වැළඳගෙන ලිංගික අතවර කිරීමට උත්සහ කර ඇති බව වාර්තා වෙනවා.
අදාළ ගුරුවරිය විසින් මිනුවන්ගොඩ පොලීසියේ කාන්තා හා ළමා කාර්යංශයට මේ බව පැමිණිලි කර ඇත.
ඒ අනුව ඒ අනුව 60 හැවිරිදි සැකකාර විදුහල්පතිවරයා අත්අඩංගුවට ගෙන තිබේ.
පොලිසියේ ළමා හා කාන්තා කාර්යාංශය සිද්ධිය සම්බන්ධයෙන් වැඩිදුර පරීක්ෂණ පවත්වයි.