රට ගොඩනැගීමේදී IMF කොන්දේසිවලට එකඟව කටයුතු කිරීම තම පක්ෂය අනුමත කරන බවත් සමඟි ජන බලවේගයේ සහ වත්මන් ජනාධිපතිවරයා ගෙන යන ආර්ථික සංවර්ධන වැඩපිළිවෙළ අතර කිසිදු වෙනසක් නැති බවත් සමඟි ජන බලවේගයේ පාර්ලිමේන්තු මන්ත්රී රාජිත සේනාරත්න මහතා පවසනවා.
ජනාධිපතිවරයා සිදු කරන සියලුදේට විරුද්ධ විය නොහැකි සේම ඔහු විසින් ගෙන යන සාර්ථක වැඩපිළිවෙළට සියලු දෙනාට එකඟවීමට සිදුව ඇති බව ඒ මහතා ප්රකාශ කළා.
කළුතර ප්රදේශයේදී පැවති මාධ්ය හමුවකට එක්වෙමින් ඔහු මෙම අදහස් පළ කර සිටියා.
එදා රට තුළ පැවති අර්බුදකාරී තත්වය වෙනුවට අද රටේ විශාල දියුණුවක් සිදුවී ඇති බව මන්ත්රීවරයා පෙන්වා දෙනවා. එය අමතක කළ නොහැකි බව ඒ මහතා පැවසුවා.
ජනාධිපතිවරයා ගෙන යන සාර්ථක වැඩපිළිවෙලට නිසා ඔහු රටේ ජනතාවගේ අගය කිරීමට ලක්ව ඇති බව ඔහු පවසනවා.
සමඟි ජන බලවේගය සහ ජනාධිපතිවරයා අතර කිසිඳු ප්රතිපත්තිමය වෙනසක් නොතිබුණු බවත් වැඩකිරීම පිළිබඳ ගැටළු කිහිපයක් පමණක් තිබූ බවත් මන්ත්රීවරයා මෙහිදී වැඩිදුරටත් ප්රකාශ කර සිටියා.
