රජයේ මුද්‍රණාලාධිපති ගංගානි ලියනගේ සහ මුදල් අමාත්‍යාංශ ලේකම් මහින්ද සිරිවර්ධන යන අය ජනතාවගේ ඡන්ද අයිතිය අහිමි කිරීමට කටයුතු කරන බැවින් ඔවුන් මැතිවරණ කොමිසමට කැඳවා ප්‍රශ්න කළ යුතු බව නිදහස් සන්ධානයේ විධායක සභික ජී. එල්. පීරිස් මහතා පවසනවා.
මුද්‍රණාලාධිපතිනිය ඡන්ද පත්‍රිකා මුද්‍රණය කිරීම සඳහා රුපියල් මිලියන 410 ක් ඉල්ලා සිටියද මුදල් අමාත්‍යාංශයේ ලේකම් මහින්ද සිරිවර්ධන එම මුදල් ලබා නොදෙන බවත් ඔවුන් රටේ උත්තරීතර නීතිය කඩ කරමින් ජනතාවගේ ඡන්ද අයිතිය අහිමි කිරීමට කටයුතු කරන බවත් ජී. එල්. පීරිස් මහතා පෙන්වා දෙනවා.
ආණ්ඩුවේ සංදර්ශනයක් වූ නිදහස් උත්සවයට අවශ්‍ය මුද්‍රණ කටයුතු කිරීමට රජයේ මුද්‍රණාලාධිපතිනිය මුදල් නොයිල්ලා අවශ්‍ය සහයෝගය ලබා දුන් බව පවසන එතුමා සියලු සම්පත් ඇති රජයේ මුද්‍රණාලයට තැපැල් ඡන්ද පත්‍රිකා මුද්‍රණ කිරීමට සම්පූර්ණ මුදල අවශ්‍ය නොවන බවත් ප්‍රකාශ කළා.
මැතිවරණය නියමිත දිනට පවත්වන බවට මැතිවරණ කොමිෂන් සභාව ශ්‍රේෂ්ඨාධිකරණයට ප්‍රතිඥාවක් ලබා දී ඇති නිසා ආණ්ඩුක්‍රම ව්‍යවස්ථාවට අනුව සියලුම රාජ්‍ය නිලධාරීන් මැතිවරණය පැවැත්වීම සඳහා උපරිම සහයෝගය ලබා දිය යුතු බව එතුමා පවසනවා.
තැපැල් ඡන්ද පත්‍රිකා බෙදාහරින දිනය කල්ගියද තැපැල් ඡන්දය ප්‍රකාශ කරන දිනවල කිසිදු වෙනසක් නොවන බවට මැතිවරණ කොමිසමේ සභාපතිවරයා ප්‍රකාශ කර ඇති බැවින් මැතිවරණය පැවැත්වීමේ කිසිඳු වෙනසත් සිදු නොවන බව එතුමා වැඩිදුරටත් ප්‍රකාශ කළා.
කටුනායක ජාත්‍යන්තර ගුවන් තොටුපළේ මගී ධාරිතාව ඉහළ නැංවීම සහ මගී ජනතාවට වඩාත් පහසුකම් සැලසීම වෙනුවෙන්…
ඔර්නර්බ් දිවයිනට කිලෝමීටර් 890ක් දුරින් කේන්ද්‍රගතව ඇති අතර එය මෙරටට බලපාන්නේ කෙසේද මේ පිළිබඳව කාලගුණ…
https://youtu.be/1PIH9sGoesU
තවදුරටත් බෙංගාල බොක්කේ නැගෙනහිර-මධ්‍යම සහ ඊට යාබද ගිනිකොණදිග මුහුදු ප්‍රදේශයේ පැවති පීඩන අවපාතය, ගැඹුරු පීඩන…
පවතින වර්ෂාපතනය හේතුවෙන් දිවයිනේ ජලාශ රැසක ජල මට්ටම් ඉහළ ගොස් ඇතත්, මෙතෙක් ගංවතුර තත්ත්වයක් වාර්තා…