පළාත් පාලන මැතිවරණයට අදාළ සියලු කටයුතු ඉතා ජවසම්පන්නව සිදු වෙන බවත් ඡන්දය පැවැත්වීමට ආණ්ඩුව මුදල් නෑ කියනවා නම්, එම මැතිවරණය පවත්වනවාද , නැද්ද යන්න තීරණය කිරීමට අධිකරණයට හෝ මැතිවරණ කොමිසමට පමණක් බලය හිමි වන බව හිටපු මැතිවරණ කොමසාරිස් මහින්ද දේශප්රිය මහතා පවසනවා.
ආණ්ඩුව ඡන්දය තියන්න මුදල් නොමැති බව පවසන බැවින් කුමන හෝ ආකාරයකට පළාත් පාලන මැතිවරණය පවත්වනවාද, යන්න තීරණය කළ හැක්කේ සාධාරණ කරුණු ඉදිරිපත් කිරීමකින් පසු අධිකරණයට හෝ මැතිවරණ කොමිසමේ සභාපතිවරයාට පමණක් බව එතුමා ප්රකාශ කරනවා. එහිදි මුදල් අමාත්යාංශයේ ලේකම් වරයාටද කරුණු දැක්විය හැකි බව එතුමා ප්රකාශ කළා.
විශාල මුදලක් වැය වන ලෙස පෙණුනත් පළාත් පාලන මැතිවරණයක දී එක් ජන්දදායකයෙකුට අවුරුදු 4ක් සඳහා වියදම් වන මුදල රුපියල් 500ක මුදලක් බව එතුමා පවසනවා. එහෙත් සභිකයන්ට ලබා දෙන දීමනාව සඳහා විශාල වියදමක් වැය වන බවයි එතුමා පෙන්වා දෙන්නේ.
අත්යවශ්යම සභිකයෙකු පමණක් එම දීමනාව ලබාගන්නේ නම් ඒ සඳහා වැය වන මුදල්ද ඉතිරි කර ගත හැකි බව එතුමා වැඩිදුරටත් ප්රකාශ කළා.
සාධාරණ කරුණු දැක්වීමක් මත අධිකරණය හෝ මැතිවරණ කොමිසමට හැර, සීමා නීර්ණය කිරීමේ කොමිසමට හෝ ජාතික සීමා නිර්ණය කමිටුවට පළාත් පාලන මැතිවරණය පැවැත්වීමට කිසිඳු බලපෑමක් සිදු කළ නොහැකි බව හිටපු මැතිවරණ කොමසාරිස්වරයා වැඩිදුරටත් ප්රකාශ කළා.