ඔස්ට්‍රේලියානු ක්‍රිකට් කණ්ඩායමේ ශ්‍රී ලංකා තරග සංචාරයේදී අළෙවිවූ ප්‍රවේශ පත්‍ර වලින් ලද රුපියල් මිලියන 120 ක (කෝටි 12 ක්) මුදලක් ජාතික ක්‍රීඩා අරමුදලට පරිත්‍යාග කිරීමට ශ්‍රී ලංකා ක්‍රිකට් ආයතනය කටයුතු කර තිබෙනවා.
මෙරට සියලුම ක්‍රීඩා දියුණු කිරලීම උදෙසා ශ්‍රී ලංකා ක්‍රිකට් විසින් සිදුකරගෙන යනු ලබන උපකාර වැඩසටහනේ තවත් පියවරක් ලෙස මෙම මුදල් පරිත්‍යාගය සිදු කළ බවයි ශ්‍රී ලංකා ක්‍රිකට් ආයතනය පැවසුවේ.
මෙම මුදල් පරිත්‍යාගයට පෙර ශ්‍රී ලංකා ක්‍රිකට් ආයතනය ජාතික ක්‍රීඩා අරමුදලේ මූල්‍ය තත්ත්වය තර කිරීම සඳහා රුපියල් මිලියන 100 ක මුදලක්, බර්මිංහැම්හි පැවැති පොදු රාජ්‍ය මණ්ඩලය ක්‍රීඩා තරගාවලියට සහභාගිවුණු ක්‍රීඩක ක්‍රීඩිකාවන්ගේ වියදම් වෙනුවෙන් රුපියල් මිලියන 225 ක මුදලක් සහ මෙවර ආසියානු දැල් පන්දු ශූරතාව දිනූ ශ්‍රී ලංකා කණ්ඩායමේ දැල් පන්දු ක්‍රීඩිකාවන්ට රුපියල් මිලියන 2 බැගින් ද වන මුදල් ප්‍රදානයන් සිදු කර තිබුණා.