ශ්‍රී ලංකාව තුළ කඩිනමින් විදුලියෙන් ධාවනය වන ත්‍රී රෝද රථ සහ බස් රථ ධාවනයට යෙදවීම පිළිබඳ සාකච්ඡාවක් ප්‍රවාහන හා මහාමාර්ග අමාත්‍ය බන්දුල ගුණවර්ධන සහ UNDP ආයතන නියෝජිතයන් අතර පවත්වා තිබෙනවා.
මෙරට තුළ ධාවනය වන ලක්ෂ දහයකට අධික ත්‍රිරෝද රථ විදුලි බලය මගින් ධාවනය කිරීමට පරිවර්තනය කිරීම තුළින් ඉන්ධන අර්බුදයට පිළියමක් ඇති කිරීමත් කොළඹ නගරය තුළ විදුලියෙන් ධාවනය වන බස්රථ සේවාවක් ආරම්භ කිරීම සඳහාත් මෙම සාකච්ඡාවේ අවධානය ලක් කර තිබෙනවා.
අදාළ ව්‍යාපෘතිය සඳහා ඇමරිකානු ඩොලර් මිලියනයක මුදලක් වෙන් කිරීමට සැලසුම් සකස් කර ඇති බව ද වාර්තා වනවා.
