භූමිතෙල් මිල සංශෝධනය මීට වසර ගණනාවකට පෙර සිටම සිදු කළ යුතුව තිබූ බව බලශක්ති අමාත්ය කාංචන විජේසේකර පවසනවා.
ඛනිජ තෙල් සංස්ථාව පාඩු ලබන ආයතනයක් බවට පත්වීමට එක් හේතුවක් වූයේ සහනාධාර මිලට භූමිතෙල් අලෙවිකිරීම බවත් වැඩි කර ඇති නව මිල ගණන් පිරිවැයට සමපාත වී ඇති බවත් බලශක්ති අමාත්යවරයා පවසනවා. අඩු ආදායම්ලාභී පවුල්, ධීවර සහ වැවිලි ක්ෂෙත්ර සඳහා ඍජු මුදල් සහනාධාරයක් ලබා දීමට රජය සූදානම් කර ඇති බවයි අමාත්යවරයා ටුවිටර් සටහනක් තබමින් වැඩිදුරටත් සඳහන් කර සිටියේ.
