ඊයේ රාත්රියේ අරගල භූමියේ සිදු කළ මෙහෙයුමකදී පුද්ගලයින් නව දෙනෙකු අත්තඩංගුවට ගත් බව පොලිස් මාධ්ය ප්රකාශක ජේෂ්ඨ පොලිස් අධිකාරී නිහාල් තල්දූව මහතා ප්රකාශ කරනවා. ඉන් පුද්ගලයින් දෙදෙනෙකු තුවාල ලබා සිටි නිසා ප්රතිකාර සඳහා රෝහල් ගත කළ බවත් ඉතිරි අය අද දිනයේ අධිකරණය සඳහා යොමු කිරීමට පොලිස් භාරයේ පසුවන බවත් මාධ්ය ප්රකාශක වරයා පවසනවා. ජනාධිපති ලේකම් කාර්යාලය සහ ගාලුමුවදොර ප්රධාන දොරටුව අසලින් විරෝධතාකරුවන් ඉවත් කිරීම සඳහා ඊයේ මෙහෙයුමක් දියත් කළ බවත් ඒය පොලීසිය, පොලිස් විශේෂ කාර්ය බලකාය, සහ ආරක්ෂක අංශ ඒකාබද්ධව ගෙන ගිය මෙහෙයුමක් වන බවත් පොලිස් මාධ්ය ප්රකාශක වරයා වැඩිදුරටත් ප්රකාශ කර සිටියා.
