ස්ථාවර නියෝඟ අත් හිටුවීම සඳහා පාර්ලිමේන්තු මන්ත්‍රී එම්.ඒ සුමන්තිරන් මහතා ගෙනා යෝජනාව වැඩි ඡන්දයෙන් පාර්ලිමේන්තුවේ දී පරාජයට පත් විය.
ස්ථාවර නියෝග අත්හිටුවිය යුතු යැයි පක්ෂව ඡන්ද 68ක් ලැබුණු අතර එයට විරුද්ධව ඡන්ද 119ක් ලැබුණි. ඒ අනුව විවාදය සඳහා ස්ථාවර නියෝග අත් හිටුවිය යුතු යැයි යන යෝජනාව පරාජයට පත් විය.
ස්ථාවර නියෝග අත්හිටුවීම සඳහා ඉදිරිපත් කරනු ලැබූ යෝජනාවට ආණ්ඩු පක්ෂයේ එකගතාවයක් නැතැයි සභානායක දිනේෂ් ගුණවර්ධන මහතා පාර්ලිමේන්තුවේදී ප්‍රකාශ කළේය.
පාර්ලිමේන්තු මන්ත්‍රී එම්.ඒ සුමන්තිරන් මහතා විසින් ජනාධිපතිවරයාට අප්‍රසාදය පළ කරන යෝජනාව විවාදයට ගැනීම සඳහා ස්ථාවර නියෝඟ අත් හිටුවීම සඳහා යෝජනාවක් ඉදිරිපත් කරනු ලැබිණි. එම යෝජනාව විපක්ෂයේ ප්‍රධාන සංවිධායක ලක්ෂ්මන් කිරි ඇල්ල මහතා විසින් ස්ථිර කරනු ලැබිණි.
මෙම අවස්ථාවේ වැඩිදුරටත් අදහස් දක්වමින් දිනේෂ් ගුණවර්ධන අමාත්‍යවරයා පැවසුවේ, තවදුරටත් මහජන නියෝජිතයින් තවදුරටත් නොබෙදී සිටිය යුතු බවයි. ස්ථාවර නියෝග අත් හිටුවීමේ ආණ්ඩුපක්ෂයේ එකගතාවයක් නැතැයිද දිනේෂ් ගුණවර්ධන අමාත්‍යවරයා සඳහන් කළේය. හිටපු අග්‍රමාත්‍යවරයා අස්විය යුතු යැයි කියා උද්ඝෝෂණ කරමින් ගෙන ආ යෝජනාවද තවමත් න්‍යාය පත්‍රයෙන් අස් කර ගෙන නැතැයි ද කීය.
අවශ්‍ය නම් මෙම යෝජනාව පිළිබඳව ද ඡන්ද විමසීමක් සිදු කරන ලෙසද ඉල්ලා සිටියේය.
බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…
ශ්‍රී ලංකාව සහ තුර්කිය අතර පවතින දිගුකාලීන මිත්‍රත්වය තවදුරටත් ශක්තිමත් කරගැනීම සහ දෙරට අතර ආර්ථික…
අනුර කුමාර දිසානායක රජය බලයට පත් වූයේ මෙරට දේශපාලන ඉතිහාසයේ ක්‍රියාත්මක නොවූ ශක්තිමත් රාජ්‍ය පාලනයක්…
මීට වසර දහයකට පෙර ජාතික විද්වත් සංවිධානය ආරම්භ කළේ එවකට පැවැති ආර්ථික, සමාජීය සහ දේශපාලනික…
කටුනායක ජාත්‍යන්තර ගුවන් තොටුපළේ මගී ධාරිතාව ඉහළ නැංවීම සහ මගී ජනතාවට වඩාත් පහසුකම් සැලසීම වෙනුවෙන්…