සත්යය අසත්යය කුමක් වුවත් ජනාධිපතිවරයාට අපහාස කරන්නන් දඩුකදේ ගැසිය යුතු බව ගරු සිරිල් ගාමිණී පියතුමන් පවසනවා.
සමාජ මාධ්ය ජාලයේ සටහනක් තබමින් උන්වහන්සේ මේ බව සඳහන් කර තිබෙනවා.
එම සටහන පහතින්
ජනාධිපතිවරයාට අපහාස කරන්නන් දඬුකඳේ ගැසිය යුතුය
ජනාධිපතිවරයාට අපහාස වන දේ සමාජ මාධ්යයේ පළ කිරීම හෝ එවැනි දේ අනෙක් අය අතර බෙදා හැරියොත් එවැන්නන්ට එරෙහිව නීතිය ක්රියාත්මක කිරීමට පොලීසිය ක්රියාකරන බව පොලිස් මාධ්ය ප්රකාශකවරයා ප්රකාශ කළ බව මාධ්ය වාර්තා කර තිබිණි.
එහෙයින් මෙසේ ලියන්නට සිතිණි.
ජනාධිපතිවරයා පත්වූ දා සිට මේ දක්වා මේ රටේ කිසිදු දූෂණයක්, වංචාවක්, හොරකමක් සිදු නොවුනේය. බඩු මිල එන්න එන්නම පහත වැටී වැටෙන්නට වෙන පතුලක් නැතිව පස් යට සැඟවී ගියේය. මරණ දඩුවම හෝ සිර දඩුවම හෝ නියම වූ හෝ කිසිවෙක් නිදොස්කොට නිදහස් නොකෙරිණි. රසායනික පොහොර තහනම් කොට කාබනික පොහොර පමණක් යෙදීමෙන් රට සහලින් සහ අනෙකුත් භව බෝගවලින් ස්වයංපෝෂිත වී ගොවියා රජෙක් බවට පත්විය. දේශීය නිෂ්පාදන එන්න එන්නම වැඩිවී අපනයන අහස උසට නැග විදේශ විනිම සංච්තයේ බර දරා ගන්නට බැරිව මහ බැංකු ගොඩනැගිල්ල කඩා වැටෙන්නට ඔන්න මෙන්න කියන තත්ත්වයට පත්ව තිබේ. ගෑස් ටැංකි පිපිරීම් වලට වරදකරුවන් වූ ගෑස් සමාගම්වලට උපරිම දඩුවම් ලබා දී තිබේ. පාස්කු ඉරිදා ප්රහාරය පිළිබඳ කොමිෂන් සභා නිර්දේශ සියල්ලම අකුරටම ක්රියාත්මක කොට වගකිවයුතු සියල්ලන්ටම උපරිම දඩුවම් ලබා දී තිබේ.
මේ සියල්ලට නායකත්වය දුන් අයෙකුට එසේ නොකළේ යැයි කීම මහා අපහාසයකි. සත්යය අසත්යය කුමක් වුවත් එසේ අපහාස කරන්නන් දඩුකදේ ගැසිය යුතුය.
සිරිල් ගාමිණී ප්රනාන්දු පියතුමා.
04.01.2022
“යළිත් වරක් තුන් ලෝකෙට – දහම් ඇසයි උපදින්නේ !” ඒතං ඛෝ සරණං ඛේමං – ඒතං…
විනිසුරුවන් සහ නීතිඥයන්ගේ සේවා කාලය දීර්ඝ කිරීමට රජය ගෙන ඇති තීරණයට සමගාමීව, ශ්රී ලංකා ත්රිවිධ…
කොළඹ, ශ්රී ලංකාව – ශ්රී ලංකාවේ ප්රමුඛතම නෞකා ඉදිකිරීමේ සමාගම වන Colombo Dockyard PLC (CDPLC)…
සිය ධුර කාලය අවසන් කර සියරට බලායන චීන තානාපතිවරයා විපක්ෂ නායක සජිත් ප්රේමදාස මහතා හමුවෙයි…
රෝහණ විජේවීර අත්අඩංගුවට ගන්නා විට උලපනේ නිවසේ විජේවීරගේ දරුවන් බලා ගත් කේ.කේ. කරුණාවතී(කළු අක්කා), විජේවීරගේ…
මනෝජ් රත්නායක – මාධ්ය විශ්ලේෂණය වසර සියයකට අධික කාලයක් ජනතාවගේ තොරතුරු අවශ්යතා සපුරාලූ පුවත්පත්,ගුවන්විදුලි සහ…