දේශීය

පාරුවේ අනතුරට තිදෙනෙකු අත්අඩංගුවට

පාසල් දරුවන් ඇතුළු පිරිසක් රැගත් පාලම් පාරුවක් පෙරළීමෙන් පෙරේදා (23) උදෑසන වූ අනතුර සම්බන්ධයෙන් සැකපිට පුද්ගලයන් තිදෙනකු කින්නියා පොලිසිය විසින් ඊයේ (24) අත්අඩංගුවට ගෙන ඇත.

පාරුවේ අයිතිකරු හා පාරු පැදිකරු ත්‍රිකුණමල පොලිස් ස්ථානයට ඉදිරිපත් වීමෙන් පසු අත්අඩංගුවට ගෙන ඇති අතර, පාරුවේ ගමන් කුලී ගත් පුද්ගලයා කින්නියා පොලිසිය විසින් අත්අඩංගුවට ගෙන තිබේ.

අත්අඩංගුවට ගෙන ඇති සැකකරුවන් වයස අවුරුදු 35, 40 සහ 53 වයස්වල පසුවන පෙරියාතමුණ, කින්නියා ප්‍රදේශයේ පදිංචිකරුවන් වේ. සැකකරුවන් ඊයේ (24) ත්‍රිකුණාමලය මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබිණි. කින්නියා පොලිස් ස්ථානය සිද්ධිය සම්බන්ධයෙන් වැඩිදුර විමර්ශන කරයි.

කින්නියා කුරුඤ්ඤන්කර්නි කළපුවේ පාලම් පාරුවක් පෙරළීමෙන් ජීවිතය අහිමි වූවන්ට වන්දි දීමේ ආණ්ඩුවේ වගකීම ඉටු කරන බව ජනමාධ්‍ය ඇමැති, සම කැබිනට් ප්‍රකාශන ඩලස් අලහප්පෙරුම මහතා රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවට එක් වෙමින් ඊයේ (24) පැවසුවේය. අහිමි වූ එම ජීවිත මුදලින් තක්සේරු කළ නොහැකි වුවද , ඔවුන්ගේ පවුල්වල ජීවත් වන සාමාජිකයන් වෙනුවෙන් මේ වගකීම ආණ්ඩුව දරන බවද ඇමැතිවරයා පැවසීය. මේ ඛේදවාචකය සම්බන්ධයෙන් නීතිමය පියවර ක්‍රියාත්මක වෙමින් පවතින බවත් හෙතෙම කීවේය. මේ අතර අනතුර හේතුවෙන් අපහසුතාවට පත් එම ප්‍රදේශයේ වෙසෙන දරුවන්ගේ පාසල් ගමන පහසු කරලීමට මෙන්ම ප්‍රදේශවාසීන්ගේ ගමන් පහසුව වෙනුවෙන් ගොඩබිම් මාර්ගය හරහා ගමන් කිරීමට ශ්‍රී ලංකා ගමනා ගමන මණ්ඩලයේ බස් රථ යොදවන ලෙස එහි සභාපති නීතිඥ කිංස්ලි රණවක මහතා අදාළ නිලධාරීන්ට උපදෙස් දී තිබේ. ගොඩබිම් මාර්ගය ඉතා දීර්ඝ වුවද කෙටි කාලයකින් ගමන් කිරීමට හැකිවන පරිදි පාලම සහ පාලම් පාරු සේවාව යථා තත්ත්වයට පත් වන තෙක් පාසල් දරුවන් හා ප්‍රදේශවාසීන්ට ගමන් පහසුකම් සලසා දෙන ලෙස සභාපතිවරයා උපදෙස් දී තිබේ.(උපුටා ගැනීම – දිනමිණ )

Recent Posts

හෙට උදේ පත්තර තිබේවිද? රාත්‍රී ප්‍රධාන පුවත් විකාශය බලයිද? ලෝක මාධ්‍යයේ සිදුවන නිහඬ විප්ලවය

මනෝජ් රත්නායක – මාධ්‍ය විශ්ලේෂණය වසර සියයකට අධික කාලයක් ජනතාවගේ තොරතුරු අවශ්‍යතා සපුරාලූ පුවත්පත්,ගුවන්විදුලි සහ…

17 hours ago

“මාලදිවයිනේ බෞද්ධ සංහාරය” – ඉතිහාසයේ අමතක වූ පරිච්ඡේදයක්ද?

"ලෝමෆානු (Loamaafaanu) තඹ සන්නස්වල ඇතැම් පරිවර්තන සහ ඒ පිළිබඳ පර්යේෂණ මත පදනම්ව, මුසල්මානුන් නොවූ, බුදුපිළිම…

18 hours ago

සාරනාත් පුරාවිද්‍යාත්මක බෞද්ධ පූජනීය භූමිය යුනෙස්කෝ ලෝක උරුම ලැයිස්තුවට – ඉන්දියාවේ 45 වැනි ලෝක උරුම ස්ථානය ලෙස පිළිගැනේ

වාරණාසි | 2026 ජූලි 27 බුද්ධාගමේ ඉතිහාසයේ අතිශය වැදගත් ස්ථානයක් වන ඉන්දියාවේ උත්තර ප්‍රදේශ් ප්‍රාන්තයේ…

19 hours ago

Sarnath Becomes India’s 45th UNESCO World Heritage Site

Varanasi, India | July 27, 2026 The Ancient Buddhist Site of Sarnath, one of the…

19 hours ago

ගොවියාට අපහාස උපහාස කරන මේ රජය කවදහරි ගෙදර යවන්නේ මේ ගොවි ජනතාවම තමයි – විපක්ෂ නායක

අද වන විට වී ගොවිතැන ඇතුළු කෘෂිකර්මාන්තයේ නියලෙන ජනතාව මහා කම්පනයකට ලක්ව අසාධාරණකම් රැසකට මුහුණ…

1 day ago

සුගතදාසේ පූල් එකට විද්‍යුත් කාල පද්ධතියක්!

පිහිනුම් ක්‍රීඩාවේ සංවර්ධනය ඉලක්ක කර ගනිමින් සුගතදාස පිහිනුම් තටාකයේ වසර 25ක් පැරණි විද්‍යුත් කාල පද්ධතිය…

1 day ago